మాజీ సీఎం జగన్ భద్రతపై వైఎస్సార్సీపీ ఆందోళన

Jagan: ఆంధ్రప్రదేశ్ రాజకీయాల వేదికగా భద్రతా అంశం మరోసారి చర్చనీయాంశంగా మారింది. రాష్ట్ర మాజీ ముఖ్యమంత్రి, వైఎస్సార్ కాంగ్రెస్ పార్టీ అధ్యక్షుడు వైఎస్ జగన్ మోహన్ రెడ్డికి Z+ స్థాయి భద్రత ఉన్నప్పటికీ, ఆయనకు తగిన రక్షణ కల్పించడంలో ప్రభుత్వ యంత్రాంగం విఫలమవుతోందని ఆ పార్టీ ఆరోపిస్తుంది. ఇటీవలి పర్యటనల్లో ఏర్పడిన భద్రతా లోపాలు, వాటి ఫలితంగా జరిగిన సంఘటనలు రాజకీయంగా తీవ్ర ప్రకంపనలు సృష్టించాయి.

ఈ నేపథ్యంలో, జగన్ భద్రత విషయంలో వైఎస్సార్సీపీ హైకోర్టును ఆశ్రయించగా, కోర్టు జారీ ఆదేశాలు కీలక మలుపు తిప్పనున్నాయి. వైఎస్ఆర్ కాంగ్రెస్ పార్టీ న్యాయ పోరాటం సానుకూల ఫలితమిస్తే, పార్టీ అధ్యక్షుడు ఆంధ్రప్రదేశ్ మాజీ ముఖ్యమంత్రి వైఎస్ జగన్ మోహన్ రెడ్డి నెల్లూరు పర్యటన సందర్భంగా అదనపు భద్రత లభించవచ్చు.

జగన్ కు Z+ కేటగిరీ భద్రత కల్పించినప్పటికీ, పోలీసులు తగిన రక్షణ కల్పించడం లేదని వైసీపీ నాయకులు కొంతకాలంగా ఆరోపిస్తున్నారు. జగన్ ఇటీవల రెంటపల్ల పర్యటనకు వెళ్లిన తర్వాత ఈ విషయం హైలెట్ అయ్యింది. సరైన భద్రత లేకపోవడం వల్లే పార్టీ కార్యకర్త సింగయ్య జగన్ కాన్వాయ్ ఢీకొని మరణించాడని వైసీపీ నేతలు ఆరోపించారు. జగన్ ఇటీవల నెల్లూరు పర్యటనను చివరి నిమిషంలో రద్దు చేసుకున్నారు.

ఈ నిర్ణయానికి ముందు, జగన్ పర్యటన కోసం ప్రభుత్వం హెలిప్యాడ్ ఏర్పాటు చేయడంలో సహకరించడం లేదని, Z+ భద్రత కల్పించడం లేదని ఆరోపిస్తూ YSRCP నాయకులు హైకోర్టులో పిటిషన్ దాఖలు చేశారు. హైకోర్టు ఈ పిటిషన్‌ను విచారించి కీలక ఆదేశాలు జారీ చేసింది. Z+ భద్రతకు సంబంధించి కేంద్రం జారీ చేసిన మార్గదర్శకాలను సమర్పించాలని YSRCP పిటిషనర్లు లేళ్ల అప్పి రెడ్డి, చంద్రశేఖర్ రెడ్డిలను కోర్టు ఆదేశించింది.

దీంతో వైసీపీ నేతలు కోర్టుకు కేంద్ర మార్గదర్శకాలను కోర్టుకు సమర్పించనున్నారు. ఆ తర్వాత జగన్‌కు నిర్దేశించిన నిబంధనల ప్రకారం భద్రత కల్పిస్తున్నారా లేదా అన్నది కోర్టు పరిశీలిస్తుంది. జగన్ రెంటపల్ల పర్యటన సమయంలో Z+ భద్రత నిజంగా కల్పించారా లేదా అనేది కూడా దీని ద్వారా స్పష్టమవుతుంది. జగన్ నెల్లూరు పర్యటన ఇప్పటికే రద్దు చేశారు.

పిటిషన్ అసంబద్ధంగా మారిందని, దానిని కొట్టివేయాలని రాష్ట్ర ప్రభుత్వ న్యాయవాదులు వాదించారు. అయితే, Z+ భద్రత నిరాకరించడం వల్లే పర్యటన రద్దు చేశారని YSRCP పిటిషనర్లు వాదించారు. విచారణను కొనసాగించి అవసరమైన ఆదేశాలు జారీ చేయాలని కోర్టును కోరారు. భద్రత వివాదంలో హైకోర్టు నిర్ణయం కీలక నిర్ణయం రానుందని భావిస్తున్నారు.