Indian 3: ఇండియన్ సినిమా ఘన విజయం సాధించగా, ఇండియన్ 2 ఘోర వైఫల్యం చవిచూసింది. శంకర్ దర్శకత్వంలో వచ్చిన గేమ్ చేంజర్ కూడా నిరాశపరిచింది. దీంతో ఇండియన్ 3 రిలీజ్‌పై తీవ్ర చర్చ నడుస్తుంది.
ఇండియన్ సినిమా బాక్సాఫీస్ వద్ద సంచలన విజయం సాధించింది, కానీ సీక్వెల్ ఇండియన్ 2 ఘోరంగా విఫలమైంది. లైకా ప్రొడక్షన్స్ ఇండియన్ 3ని 2025లో విడుదల చేస్తామని ప్రకటించినప్పటికీ, ఇండియన్ 2, గేమ్ చేంజర్ వైఫల్యాలు ఈ ప్రాజెక్ట్‌పై ప్రభావం చూపాయి. ఇండియన్ 3 షూటింగ్ పూర్తైనప్పటికీ, కొన్ని టచ్-అప్ పనులు మిగిలాయి. అయితే, లైకా బడ్జెట్ ఇవ్వడానికి సంకోచిస్తోంది.
కమల్ హాసన్, శంకర్‌లకు రెమ్యూనరేషన్ చెల్లించినప్పటికీ, సినిమా బిజినెస్ జరగడం లేదు. ఒటీటీ సంస్థ కూడా ఒప్పందం నుంచి తప్పుకుంది. దీంతో ఇండియన్ 3 విడుదలపై అనిశ్చితి నెలకొంది. ఈ పరిస్థితుల్లో సినిమా ఎప్పుడు ప్రేక్షకుల ముందుకు వస్తుందనేది స్పష్టత లేదు.
