War 2: వార్ 2 ట్రైలర్ రిలీజ్ అయ్యింది! హృతిక్ రోషన్, జూనియర్ ఎన్టీఆర్ కలయికలో అయాన్ ముఖర్జీ దర్శకత్వంలో వచ్చిన ఈ ట్రైలర్ అభిమానులను ఆకట్టుకుంటోంది. యాక్షన్, డ్రామాతో నిండిన ఈ ట్రైలర్ సినిమాపై అంచనాలను డబుల్ చేసింది.
వార్ 2 ట్రైలర్ యాక్షన్ సినిమా అభిమానులకు విందు భోజనం! హృతిక్ రోషన్ కబీర్‌గా, జూనియర్ ఎన్టీఆర్ విక్రమ్‌గా తమ నటనతో మంత్రముగ్ధులను చేస్తున్నారు. అయాన్ ముఖర్జీ దర్శకత్వంలో యశ్ రాజ్ ఫిల్మ్స్ నిర్మించిన ఈ సినిమా, స్పై యూనివర్స్‌లో ఆరో భాగం.
ట్రైలర్‌లో హై-ఆక్టేన్ యాక్షన్ సీక్వెన్స్‌లు, స్వోర్డ్ ఫైట్స్, బోట్ చేజ్‌లు ఆకట్టుకున్నాయి. ప్రీతమ్ సంగీతం ట్రైలర్‌కు బలం చేకూర్చింది. కియారా గ్లామర్, రొమాంటిక్ టచ్ జోడించగా, హృతిక్-ఎన్టీఆర్ మధ్య ఎదురుపడే సన్నివేశాలు ఉత్కంఠ రేపుతున్నాయి.
తెలుగు డబ్బింగ్, ఎన్టీఆర్ లుక్ అభిమానులను ఆకర్షిస్తున్నాయి. ముఖ్యంగా ఆయన 6 ప్యాక్ బాడీ షాట్ అయితే అభిమానులను పిచ్చెక్కిస్తుంది. అయితే, VFX మాత్రం కొంచెం సాధారణంగా అనిపించింది. మరి థియేటర్లలో ఎలా ఉంటుందో చూడాలి. ఆగస్టు 14న విడుదల కానున్న ఈ చిత్రం బాక్సాఫీస్ వద్ద సంచలనం సృష్టిస్తుందని అభిమానులు ఫిక్స్ అయిపోయారు.
