Vishwambhara: మెగాస్టార్ చిరంజీవి నటించిన భారీ ఫాంటసీ చిత్రం విశ్వంభర కోసం అభిమానులు ఎంతో ఆసక్తిగా ఎదురుచూస్తున్నారు. ఈ సినిమా రిలీజ్ డేట్‌పై కొత్త అప్డేట్ వచ్చింది.
టాలీవుడ్ లెజెండ్ మెగాస్టార్ చిరంజీవి నటిస్తున్న సోషియో-ఫాంటసీ చిత్రం విశ్వంభర రిలీజ్ డేట్‌పై సరికొత్త ఊహాగానాలు వినిపిస్తున్నాయి. దర్శకుడు వశిష్ఠ రూపొందిస్తున్న ఈ భారీ చిత్రం సెప్టెంబర్ 18న విడుదల కానుందని టాక్. అయితే, సెప్టెంబర్ 25న కూడా రిలీజ్ అవుతుందనే చర్చ నడుస్తోంది. ఈ తేదీలో పవన్ కళ్యాణ్ చిత్రం ఓజి విడుదలవుతుందని తెలుస్తోంది.
దీంతో మెగా అభిమానుల్లో రిలీజ్ డేట్‌పై ఉత్కంఠ నెలకొంది. జనవరిలో రావాల్సిన ఈ సినిమా వాయిదా పడుతూ వచ్చింది. సీజీ వర్క్‌లు, పోస్ట్ ప్రొడక్షన్ పనులు శరవేగంగా జరుగుతున్నాయి. చిరంజీవితో పాటు త్రిష, ఆషిక రంగనాథ్ కీలక పాత్రల్లో కనిపించనున్నారు. అభిమానులు ఈ ఫాంటసీ అద్భుతాన్ని థియేటర్లలో చూసేందుకు ఆసక్తిగా ఎదురుచూస్తున్నారు.
