Vishnu Manchu: విష్ణు మంచు ‘కన్నప్ప’తో బాక్సాఫీస్‌ను షేక్ చేశారు. ఈ డివోషనల్ డ్రామా ఆయన కెరీర్‌లోనే బెస్ట్ ఓపెనింగ్స్ సాధించింది. ఇప్పుడు కొత్త కమర్షియల్ ఎంటర్‌టైనర్‌తో మళ్లీ సిద్ధమవుతున్నాడు విష్ణు.
విష్ణు మంచు తాజా చిత్రం ‘కన్నప్ప’ బాక్సాఫీస్ వద్ద సంచలన విజయం సాధించింది. ముఖేష్ కుమార్ సింగ్ దర్శకత్వంలో రూపొందిన ఈ డివోషనల్ డ్రామా, భారీ తారాగణంతో విష్ణు కెరీర్‌లో అత్యధిక ఓపెనింగ్స్‌ను నమోదు చేసింది. సక్సెస్ జోష్‌లో ఉన్న విష్ణు, కొంత విరామం తీసుకుని తన తదుపరి ప్రాజెక్ట్‌ను సిద్ధం చేస్తున్నారు.
ప్రముఖ కొరియోగ్రాఫర్, దర్శకుడు ప్రభుదేవా ఈ కొత్త చిత్రాన్ని రూపొందించనున్నట్లు సమాచారం. పక్కా కమర్షియల్ ఎంటర్‌టైనర్‌గా రూపొందే ఈ సినిమా కోసం అభిమానులు ఆసక్తిగా ఎదురుచూస్తున్నారు. ఈ చిత్రంలో మిగతా నటీనటులు ఎవరు? షూటింగ్ ఎప్పటి నుంచి మొదలవుతుంది? అనే వివరాలు త్వరలో వెల్లడయ్యే అవకాశం ఉంది. విష్ణు మరోసారి తనదైన హవాను చూపించేందుకు సిద్ధమవుతున్నారు.
