KINGDOM: విజయ్ దేవరకొండ హీరోగా, భాగ్యశ్రీ బోర్సే హీరోయిన్‌గా గౌతమ్ తిన్ననూరి దర్శకత్వంలో తెరకెక్కిన ‘కింగ్‌డమ్’ సినిమా రిలీజ్ డేట్ ఫిక్స్ అయింది. జులై 31న థియేటర్లలో సందడి చేయనున్న ఈ చిత్రం హిందీ వెర్షన్‌లో ఊహించని మలుపు తీసుకుంది.
విజయ్ దేవరకొండ నటించిన ‘కింగ్‌డమ్’ సినిమా భారీ అంచనాల మధ్య ఈ జులై 31న తెలుగు, తమిళ భాషల్లో థియేటర్లలో విడుదల కానుంది. గౌతమ్ తిన్ననూరి దర్శకత్వంలో రూపొందిన ఈ స్పై యాక్షన్ థ్రిల్లర్‌లో భాగ్యశ్రీ బోర్సే, సత్యదేవ్ కీలక పాత్రల్లో కనిపించనున్నారు. అయితే, హిందీ వెర్షన్ థియేటర్లలో కాకుండా నేరుగా నెట్‌ఫ్లిక్స్‌లో విడుదల కానుంది.
మొదట హిందీలో థియేట్రికల్ రిలీజ్ ప్లాన్ చేసినప్పటికీ, పోస్ట్ ప్రొడక్షన్ ఆలస్యం, నెట్‌ఫ్లిక్స్‌తో చర్చలు ఈ నిర్ణయానికి దారితీశాయి. అనిరుధ్ రవిచందర్ సంగీతం, గిరీష్ గంగాధరన్ సినిమాటోగ్రఫీ ఈ చిత్రానికి బలం. రెండు భాగాలుగా రానున్న ఈ చిత్రం భారతదేశంలోని ప్రేక్షకులను ఆకట్టుకోనుంది.
