Vijay Deverakonda: సినిమాలపై వ్యతిరేక సమీక్షలు, రేటింగ్స్తో పరిశ్రమకు నష్టం జరుగుతోందని విజయ్ దేవరకొండ తీవ్రంగా వ్యాఖ్యానించారు. మన శంకరవరప్రసాద్గారు చిత్ర బృందం కోర్టును ఆశ్రయించడంతో బుక్మైషో సమీక్షలను నిలిపివేసింది. ఈ తీర్పుపై ఆయన సంతోషం వ్యక్తం చేశారు. ఈ అంశంపై పూర్తి వివరాలు చూద్దాం.
‘మన శంకరవరప్రసాద్గారు’ బృందం కోర్టును ఆశ్రయించడంతో న్యాయస్థానం ఆదేశాల మేరకు బుక్మైషో తన వెబ్సైట్లో సమీక్షలు, రేటింగ్స్ను తాత్కాలికంగా నిలిపివేసింది. ఈ పరిణామంపై స్పందించిన విజయ్ దేవరకొండ ఇది సినీ పరిశ్రమకు పెద్ద ఊరట అని అన్నారు. పనిగట్టుకుని వ్యతిరేక ప్రచారం చేసే వారి వల్ల పరిశ్రమ తీవ్ర నష్టపోతోందని, కోర్టు తీర్పుతో ఇప్పుడు సదరు సమస్యకు పరిష్కారం దొరికిందని ఆయన చెప్పారు.
తన అనుభవాలను గుర్తుచేసుకుంటూ ‘డియర్ కామ్రేడ్’ విడుదల సమయంలో తన సినిమాపై జరిగిన దాడులను చూసి షాక్ అయ్యానని, కలను కాపాడుకోవడానికి ఎన్నో నిద్రలేని రాత్రులు గడిపానని ఎమోషనల్ అయ్యారు. మెగాస్టార్ వంటి అగ్ర హీరో సినిమాకు కూడా ఇలాంటి ముప్పు పొంచి ఉందని న్యాయస్థానం గుర్తించడం గొప్ప విషయమని, ఇన్నాళ్లకు ఈ సమస్యకు పరిష్కారం దొరికినందుకు చాలా సంతోషంగా ఉందని విజయ్ దేవరకొండ ట్వీట్ చేశారు.
