TS TET 2024 Schedule : తెలంగాణ టెట్ పూర్తి షెడ్యూల్ విడుదల.. సబ్జెక్టుల వారీగా ఎగ్జామ్‌ తేదీలివే
TG TET 2024 Schedule : తెలంగాణ ఉపాధ్యాయ అర్హత పరీక్ష (TET) పూర్తిస్థాయి షెడ్యూల్ కోసం అభ్యర్థులు ఆసక్తిగా ఎదురుచూస్తున్నారు. 2025 జనవరి 2 నుంచి 20వ తేదీ వరకు ఆన్‌లైన్‌ పరీక్షలు నిర్వహిస్తామని టీజీ టెట్ 2025 నోటిఫికేషన్‌లో పేర్కొన్నారు. అయితే.. తాజాగా ఏ జిల్లాకు, ఏ సబ్జెక్టుకు ఎప్పుడన్న పూర్తి షెడ్యూల్ విడుదల చేశారు. ఈసారి టెట్ పేపర్-1, పేపర్-2లకు కలిపి సుమారు 2.48 లక్షల మంది అభ్యర్థులు దరఖాస్తు చేసుకున్నారు. అలాగే.. డిసెంబర్‌ 26న టెట్ హాల్‌టికెట్లు విడుదల చేయనున్నారు. పూర్తి వివరాలను టెట్ అధికారిక వెబ్‌సైట్‌లో చెక్‌ చేసుకోవచ్చు.
Telangana TET షెడ్యూల్ ఇలా
సబ్జెక్టుల వారీగా తెలంగాణ టెట్ షెడ్యూల్‌ను పాఠశాల విద్యాశాఖ డైరెక్టర్ తాజాగా విడుదల చేశారు. ఈ షెడ్యూల్ ప్రకారం.. జనవరి 2 నుంచి 20 వరకు టెట్ పరీక్షలు నిర్వహించనున్నారు. రెండు సెషన్లలో ఉదయం 9 నుంచి 11.30 గంటల వరకు, మధ్యాహ్నం 2 నుంచి 4.30 వరకు పరీక్షలు జరగనున్నాయి. జనవరి 8, 9, 10, 18 తేదీల్లో టెట్ పేపర్-1 ప‌రీక్షల‌ను.. జనవరి 2, 5, 11, 12, 19, 20వ తేదీల్లో పేపర్ -2 ప‌రీక్షల‌ను నిర్వహించనున్నారు.
టీజీ టెట్ పేపర్ 1 షెడ్యూల్ :
టీజీ టెట్ పేపర్ 2 షెడ్యూల్ :
ఇక.. ఇటీవల తెలంగాణ టెట్ పరీక్షకు సంబంధించిన సిలబస్‌ (మొత్తం 15 పేపర్లు)ను అధికారిక వెబ్‌సైట్‌లో అందుబాటులో ఉంచింది. ఈసారి టెట్ పరీక్షకు మొత్తం 2.75 లక్షల మంది దరఖాస్తు చేసుకున్నారు. ఈ పరీక్షలు ఆయా తేదీల్లో ఉదయం సెషన్ 9 గంటలకు ప్రారంభమై.. 11. 30 గంటలకు ముగుస్తుంది. ఇక రెండో సెషన్ మధ్యాహ్నం 2 గంటలకు ప్రారంభమై.. 04.30 గంటలకు పూర్తవుతుంది. అనంతరం ప్రిలిమినరీ కీ, ఫైనల్‌ కీ విడుదల చేసి.. ఫిబ్రవరి 5వ తేదీన టెట్ తుది ఫలితాలు ప్రకటిస్తారు.
ఈ టెట్ పరీక్షలో రెండు పేపర్లు ఉంటాయి. అందులో పేపర్-1 సెకండరీ గ్రేడ్‌ టీచర్ల నియామకానికి కాగా.. పేపర్-2 స్కూల్‌ అసిస్టెంట్‌ పోస్టుల కోసం అర్హత సాధించేందుకు నిర్వహిస్తారు. పేపర్-2లో మళ్లీ గణితం, సైన్స్‌, సాంఘికశాస్త్రం రెండు వేర్వేరు పేపర్లు ఉంటాయి. ఒక్కో పేపర్ 150 మార్కులకు ఉంటుంది. పేపర్-1కు 1-8 తరగతులు, పేపర్-2కు 6-10 తరగతుల ప్రామాణికంగా ప్రశ్నలు ఉంటాయి. ప్రతి పేపర్‌కు 2. 30 గంటల సమయం ఉంటుంది. ఈ టెట్ పరీక్షలో ఒక్కసారి అర్హత సాధిస్తే జీవిత కాలంపాటు వ్యాలిడిటీ ఉంటుంది. ఈ టెట్ మార్కులకు డీఎస్సీలో వెయిటేజీ ఉంటుంది.
