Khaleja: విజయవాడలో ‘ఖలేజా’ రీ-రిలీజ్ సందర్భంగా అనూహ్య ఘటన చోటు చేసుకుంది.ఓ అభిమాని నిజమైన పాముతో థియేటర్‌లోకి ఎంట్రీ ఇవ్వడంతో ప్రేక్షకులు షాక్ అయ్యారు. ఈ సంఘటన సోషల్ మీడియాలో వైరల్‌గా మారగా, థియేటర్ భద్రతపై చర్చ మొదలైంది. పూర్తి వివరాలు తెలుసుకుందాం.
మహేష్ బాబు సూపర్ హిట్ చిత్రం ‘ఖలేజా’ రీ-రిలీజ్‌తో థియేటర్లలో సందడి నెలకొంది. విజయవాడలోని బెజవాడ థియేటర్‌లో జరిగిన ఓ ఘటన అందరినీ ఆశ్చర్యపరిచింది. మహేష్ బాబు ఐకానిక్ సన్నివేశాన్ని తలపించేలా ఓ అభిమాని నిజమైన పాముతో థియేటర్‌లోకి ప్రవేశించాడు. మొదట అది నకిలీ పామని భావించిన ప్రేక్షకులు, పాము కదలగానే భయాందోళనకు గురయ్యారు. వెంటనే స్పందించిన సిబ్బంది ఆ వ్యక్తిని బయటకు పంపించారు. స్థానిక పోలీసులు విచారణ ప్రారంభించారు.
ఈ ఘటనకు సంబంధించిన వీడియో సోషల్ మీడియాలో తెగ వైరల్ అవుతోంది. మరోవైపు, ‘ఖలేజా’ రీ-రిలీజ్‌కు అభిమానుల ఆదరణ ఆకట్టుకుంటోంది. థియేటర్లు హౌస్‌ఫుల్‌తో దద్దరిల్లాయి. అయితే, ఈ సంఘటన థియేటర్ భద్రతపై ప్రశ్నలు లేవనెత్తింది. అభిమానం ఒక ఎత్తు, కానీ ఇలాంటి సాహసాలు ప్రమాదకరమని నెటిజన్లు హెచ్చరిస్తున్నారు.
