Trivikram: మాటల మాంత్రికుడు త్రివిక్రమ్ శ్రీనివాస్ తదుపరి సినిమాలపై ఊహాగానాలకు తెరపడింది. సూపర్ స్టార్ మహేష్ బాబు తర్వాత ఎన్టీఆర్, వెంకటేష్‌లతో సినిమాలు ఖాయమైనట్లు నిర్మాత నాగవంశీ స్పష్టం చేశారు. ఇతర రూమర్స్‌ను నమ్మొద్దని, అధికారిక ప్రకటనలు తమ నుంచే వస్తాయని తెలిపారు.
త్రివిక్రమ్ శ్రీనివాస్ దర్శకత్వంలో ‘గుంటూరు కారం’ తర్వాత కొత్త సినిమాల గురించి రకరకాల పుకార్లు వచ్చాయి. ఐకాన్ స్టార్ అల్లు అర్జున్‌తో భారీ ప్రాజెక్ట్ మొదలవుతుందని మొదట ఊహాగానాలు వచ్చినా, ఆ ప్రాజెక్ట్ ఎన్టీఆర్‌కు షిఫ్ట్ అయినట్లు తెలుస్తోంది. అలాగే, వెంకటేష్‌తోనూ త్రివిక్రమ్ సినిమా ఖాయమైంది.
గ్లోబల్ స్టార్ రామ్ చరణ్‌తో సినిమా ఉంటుందన్న ఊహాగానాలను నిర్మాత నాగవంశీ ఖండించారు. ప్రస్తుతం ఎన్టీఆర్, వెంకటేష్‌లతోనే త్రివిక్రమ్ సినిమాలు చేస్తున్నారని, మిగతా వార్తలను నమ్మవద్దని స్పష్టం చేశారు. కొత్త ప్రాజెక్ట్‌ల వివరాలు అధికారికంగా తమ నుంచే వెల్లడవుతాయని హామీ ఇచ్చారు. త్రివిక్రమ్ అభిమానులకు ఈ క్లారిటీ శుభవార్త అని చెప్పవచ్చు.
