Athidhi: టాలీవుడ్ సూపర్‌స్టార్ మహేష్ బాబు ఫ్యాన్స్‌కు గుడ్ న్యూస్! రాజమౌళి దర్శకత్వంలో మహేష్ తన కెరీర్‌లోనే భారీ ప్రాజెక్ట్‌లో బిజీగా ఉంటూ అభిమానులకు సర్‌ప్రైజ్ ఇవ్వబోతున్నారు. అదే మహేష్ బాబు ఐకానిక్ మూవీ ‘అతిథి’ రీ-రిలీజ్! మే 31న సూపర్‌స్టార్ కృష్ణ జయంతి సందర్భంగా ఈ చిత్రం థియేటర్లలో సందడి చేయనుంది.
దర్శకుడు సురేందర్ రెడ్డి తెరకెక్కించిన ‘అతిథి’లో మహేష్ బాబు స్టైలిష్ లుక్, యాక్షన్‌తో అదరగొట్టారు. అమృత రావు హీరోయిన్‌గా నటించిన ఈ చిత్రం బాక్సాఫీస్ వద్ద యావరేజ్ విజయం సాధించినప్పటికీ మహేష్ ఫ్యాన్స్ మనసు గెలుచుకుంది. ఇప్పుడు రీ-రిలీజ్‌తో మహేష్ మ్యాజిక్ మళ్లీ తెరపై చూసేందుకు అభిమానులు ఉత్సాహంగా ఉన్నారు. ‘అతిథి’ రీ-రిలీజ్ బాక్సాఫీస్‌ను షేక్ చేస్తుందా? అనేది ఆసక్తికరంగా మారింది.
