Sardar 2: తమిళ స్టార్ హీరో కార్తీ నటిస్తున్న ‘సర్దార్-2’ చిత్రం కోసం అభిమానులు ఉత్కంఠగా ఎదురుచూస్తున్నారు. ఈ సీక్వెల్ మూవీ షూటింగ్ పూర్తయినట్లు మేకర్స్ ప్రకటించారు. భారీ బడ్జెట్‌తో రూపొందిన ఈ చిత్రం బాక్సాఫీస్ వద్ద ఎలాంటి రికార్డులు నమోదు చేస్తుందో చూడాలి.
కార్తీ హీరోగా నటిస్తున్న ‘సర్దార్-2’ చిత్రం పై అంచనాలు ఆకాశాన్ని తాకుతున్నాయి. ‘సర్దార్’ సినిమాతో బ్లాక్‌బస్టర్ విజయాన్ని అందుకున్న కార్తీ, ఈ సీక్వెల్‌తో మరోసారి ప్రేక్షకులను అలరించేందుకు సిద్ధమయ్యాడు. భారీ బడ్జెట్‌తో, అత్యాధునిక సాంకేతికతతో రూపొందిన ఈ చిత్రం షూటింగ్‌ను మేకర్స్ పూర్తి చేశారు.
యాక్షన్, ఎమోషన్, డ్రామాతో కూడిన ఈ సినిమా కథాంశం ప్రేక్షకులను కట్టిపడేసేలా ఉంటుందని సమాచారం. కార్తీ ఈ చిత్రంలో ద్విపాత్రాభినయంతో మరోసారి తన నటనా ప్రతిభను చాటుకోనున్నాడు. సినిమా రిలీజ్ డేట్‌పై త్వరలో అధికారిక ప్రకటన రానుంది. ఈ సినిమాతో కార్తీ బాక్సాఫీస్ వద్ద గత రికార్డులను బద్దలు కొట్టే అవకాశం ఉందని అభిమానులు ఆశిస్తున్నారు.
