యంగ్ హీరో సందీప్ కిషన్ నటిస్తున్న క్రైమ్ థ్రిల్లర్ సిగ్మా. తమిళ, తెలుగు భాషల్లో రూపొందుతున్న ఈ చిత్రం టీజర్ రిలీజ్ అయింది. గ్రిప్పింగ్ కంటెంట్తో ఆకట్టుకుంటోంది. థమన్ సంగీతం, లైకా నిర్మాణంలో వస్తున్న ఈ సినిమాపై మంచి అంచనాలు నెలకొన్నాయి. దీని గురించి పూర్తి వివరాలు చూద్దాం.
సందీప్ కిషన్ హీరోగా విజయ్ వారసుడు జేసన్ సంజయ్ దర్శకుడిగా పరిచయమవుతున్న చిత్రం సిగ్మా. తమిళ, తెలుగు భాషల్లో రూపొందుతున్న ఈ క్రైమ్ థ్రిల్లర్పై ఇండస్ట్రీలో మంచి బజ్ ఏర్పడింది. తాజాగా రిలీజ్ అయిన టీజర్ ఆద్యంతం రేసీగా సాగుతూ ప్రేక్షకులను ఆకట్టుకుంటోంది. చకచకా స్క్రీన్ప్లేతో ఎంగేజింగ్గా కట్ చేసిన ఈ టీజర్లో క్రైమ్, థ్రిల్లింగ్ ఎలిమెంట్స్ ఎక్కువగా కనిపిస్తున్నాయి. తనను తాను కాపాడుకునేందుకు ఏ మార్పుకైనా సిద్ధపడే హీరో కథాంశంగా ఈ సినిమా సాగబోతోంది.
సందీప్ కిషన్ యాక్షన్ ప్రేక్షకులకు ట్రీట్ అవుతుందని చిత్ర బృందం చెబుతోంది. ఫరియా అబ్దుల్లా హీరోయిన్గా నటిస్తుండగా రాజు సుందరం, సంపత్ రాజ్, శివ్ పండిత్ తదితరులు కీలక పాత్రలు పోషిస్తున్నారు. థమన్ సంగీతం అందిస్తుండగా లైకా ప్రొడక్షన్స్ బ్యానర్పై సుబాస్కరన్ నిర్మిస్తున్నారు. గ్రిప్పింగ్ టీజర్తో సిగ్మా మరింత అంచనాలు పెంచింది.
