తెలంగాణ రైజింగ్ గ్లోబల్ సమ్మిట్లో ఏర్పాటు చేసిన స్టాల్స్ దేశ, విదేశీ అతిథులను ఎంతగానో ఆకట్టుకున్నాయి. పలు సంస్థలు తమ ప్రొడక్ట్స్ను ప్రదర్శించాయి. సమ్మిట్ వద్ద మొత్తంగా 27 స్టాల్స్ను ఏర్పాటు చేయగా తెలంగాణ హ్యాండీ క్రాఫ్ట్స్, టూరిజం, ఎడ్యుకేషన్, ఇందిరా మహిళా శక్తి స్టాల్స్ ప్రత్యేక ఆకర్షణగా నిలిచాయి. కరీంనగర్ నగిషీ, ఇక్కత్ ఫ్యాబ్రిక్, చేర్యాల పెయింటింగ్స్, ఇతర హ్యాండీ క్రాఫ్ట్స్, వాటి ప్రత్యేకతల గురించి స్టాల్స్ నిర్వాహకులు విదేశీ ప్రతినిధులకు వివరించారు.
