SIIMA Awards 2025: సైమా 2025 అవార్డులు దుబాయ్లో ఘనంగా జరిగాయి. టాలీవుడ్ సినిమాలు ఈ వేడుకల్లో సత్తా చాటాయి. ఉత్తమ చిత్రం, నటుడు, దర్శకుడు విభాగాల్లో అవార్డులు సాధించాయి. ఎవరెవరు గెలిచారు? ఈ గ్రాండ్ ఈవెంట్ విశేషాలు ఏంటి? పూర్తి వివరాలు చూద్దాం.
దుబాయ్లో జరిగిన సైమా 2025 అవార్డుల వేడుకలు టాలీవుడ్కు గర్వకారణంగా నిలిచాయి. ‘కల్కి’ ఉత్తమ చిత్రంగా, అల్లు అర్జున్ ఉత్తమ నటుడిగా, సుకుమార్ ఉత్తమ దర్శకుడిగా అవార్డులు అందుకున్నారు. క్రిటిక్స్ విభాగంలో ప్రశాంత్ వర్మ, తేజ సజ్జా గెలుపొందారు. రష్మిక మందన్నా ఉత్తమ నటిగా, మీనాక్షి చౌదరి క్రిటిక్స్ ఉత్తమ నటిగా ఎంపికయ్యారు.
అమితాబ్ బచ్చన్ సహాయ నటుడిగా, అన్నే బెన్ సహాయ నటిగా గెలిచారు. దేవి శ్రీ ప్రసాద్ సంగీతం, రామ్ జోగయ్య శాస్త్రి గీత రచనకు అవార్డులు దక్కాయి. కమల్ హాసన్ ఉత్తమ ప్రతినాయకుడిగా, సత్య ఉత్తమ హాస్యనటుడిగా ఎంపికయ్యారు. ఈ అవార్డులు టాలీవుడ్కు అంతర్జాతీయ గుర్తింపును తెచ్చాయి.
