Jatadhara: టాలీవుడ్‌లో పాన్ ఇండియా సినిమాల హవా కొనసాగుతోంది. ఈ క్రమంలో సుధీర్ బాబు హీరోగా రూపొందుతున్న ‘జటాధర’ సినిమా కూడా ఒకటి. దర్శకుడు వెంకట్ కళ్యాణ్ ఈ చిత్రాన్ని ప్రతిష్టాత్మకంగా తెరకెక్కిస్తున్నారు. భారీ బడ్జెట్‌తో నిర్మితమవుతున్న ఈ సినిమాతో బాలీవుడ్ బ్యూటీ సోనాక్షి సిన్హా టాలీవుడ్‌లోకి అడుగుపెడుతున్నారు. ఈ సినిమా షూటింగ్ శరవేగంగా జరుగుతోంది. తాజాగా సోనాక్షి ఈ మూవీ గురించి కీలక అప్డేట్ ఇచ్చారు.
ప్రస్తుతం ‘జటాధర’ రెండో షెడ్యూల్ షూటింగ్ పూర్తయినట్లు సోనాక్షి తన సోషల్ మీడియాలో పోస్ట్ చేశారు. ఈ సినిమాలో నటించడం ఆనందంగా ఉందని, త్వరలోనే నెక్స్ట్ షెడ్యూల్‌లో చేరాలని ఆమె ఆసక్తి చూపారు. ఈ చిత్రంతో సోనాక్షి టాలీవుడ్‌లో గ్రాండ్ ఎంట్రీ ఇవ్వాలని ఫ్యాన్స్ కోరుకుంటున్నారు. సుధీర్ బాబు-సోనాక్షి జోడీపై భారీ అంచనాలు నెలకొన్నాయి.
పాన్ ఇండియా రేంజ్‌లో రూపొందుతున్న ఈ మూవీ విజువల్ వండర్‌గా ఉంటుందని టాక్. దర్శకుడు వెంకట్ కళ్యాణ్ ఈ చిత్రాన్ని హై టెక్నికల్ వాల్యూస్‌తో తీర్చిదిద్దుతున్నారు. టాలీవుడ్‌లో సోనాక్షి ఈ సినిమాతో సంచలన ఎంట్రీ ఇస్తుందా? అనే ఆసక్తి అందరిలో నెలకొంది. ఈ సినిమా నుంచి మరిన్ని అప్డేట్స్ కోసం ఫ్యాన్స్ ఎదురుచూస్తున్నారు.
