Jathi Ratnalu: బ్లాక్బస్టర్ జాతి రత్నాలు సినిమా గురించి ఆసక్తికర విషయం బయటపడింది. నవీన్ పోలిశెట్టి హీరోగా చేసిన ఈ చిత్రం మొదట వేరే యంగ్ హీరోకి వెళ్లిందట. ఆ హీరో ఎవరు? కథ ఎలా నవీన్ చేతికి చేరింది? ఈ వివరాలు ఆశ్చర్యం కలిగిస్తాయి. పూర్తి వివరాలు చూద్దాం.
జాతి రత్నాలు సినిమా నవీన్ పోలిశెట్టికి బంపర్ హిట్ ఇచ్చింది. అనుదీప్ కేవీ దర్శకత్వంలో రూపొందిన ఈ కామెడీ ఎంటర్టైనర్ బాక్సాఫీస్ను షేక్ చేసింది. కానీ, ఈ కథ మొదట తేజ సజ్జాకు వెళ్లినట్లు తెలిసింది. బిజీ షెడ్యూల్ కారణంగా తేజ ఈ అవకాశాన్ని వదులుకున్నారు.
నవీన్ అద్భుత నటనతో ఈ పాత్రకు పూర్తి న్యాయం చేశారని తేజ ప్రశంసించారు. ఇప్పుడు తేజ సజ్జా మిరాయ్ సినిమాతో సిద్ధమవుతున్నారు. ఇప్పటికే క్రేజీ బజ్ సొంతం చేసుకున్న ఈ సినిమా సెప్టెంబర్ 12 న పాన్ ఇండియా రేంజిలో భారీగా విడుదల కాబోతుంది. మరి ఈ సినిమా అంచనాలు అందుకుంటుందో లేదో చూడాలి.
