ములుగు జిల్లాలో తెలంగాణ, ఛత్తీస్ఘడ్ రాష్ట్రాల మధ్య రాకపోకలు తాత్కాలికంగా నిలిచిపోయాయి. గోదావరి నది ఉధృతంగా ప్రవహిస్తుంది. భారీ వర్షాల కారణంగా రేగుమాగు వాగులో పొంగిపొర్లుతోంది. జాతీయ రహదారి 163పై వంతెన మీదుగా వరద నీరు ప్రవహిస్తోంది.
ఈ పరిస్థితుల్లో అధికారులు ప్రజలను అప్రమత్తం చేస్తున్నారు. వంతెన ముఖద్వారం వద్ద పోలీసులు బారికేడ్లు ఏర్పాటు చేశారు. ఇరు రాష్ట్రాల ప్రజలకు ప్రత్యామ్నాయ మార్గం చూసుకోవాలని అధికారులు సూచించారు. వరద పరిస్థితులు పూర్తిగా తగ్గే వరకు రాకపోకలు నిలిచే అవకాశం ఉంది.
