Ritika Singh: కోలీవుడ్‌లో రితికా సింగ్ కెరీర్ గ్రాఫ్ డౌన్‌లో ఉంది. వరుస ఫ్లాపులతో ఆఫర్లు తగ్గిన ఈ బాక్సర్ బ్యూటీ, సోషల్ మీడియాలో గ్లామర్ డోస్ పెంచి అవకాశాల కోసం ట్రై చేస్తోంది. ఆమె ప్లాన్ వర్కౌట్ అవుతుందా? వివరాలు ఇప్పుడు!
తెలుగు, తమిళ చిత్రాలతో ఆకట్టుకున్న రితికా సింగ్ కెరీర్ ఇప్పుడు కీలక దశలో ఉంది. గత ఏడాది రజనీకాంత్‌తో ‘వెట్టయాన్’లో పోలీస్ ఆఫీసర్‌గా కనిపించినా, ఆ పాత్ర పెద్దగా గుర్తింపు తెచ్చిపెట్టలేదు. ఆ సినిమా బాక్సాఫీస్ వద్ద బోల్తా కొట్టడంతో రితికా ఆశలు నీరుగారాయి. ప్రస్తుతం ఆమె చేతిలో అరవింద్ స్వామి హీరోగా నటిస్తున్న ‘వనంగమూడి’ ఒక్కటే ఉంది.
ఆఫర్లు రాకపోవడంతో రితికా సోషల్ మీడియా వైపు మొగ్గు చూపింది. గ్లామరస్ ఫోటోషూట్స్‌తో నెటిజన్లను ఆకర్షిస్తూ, ఫిల్మ్ మేకర్స్ దృష్టిని ఆకర్షించే ప్రయత్నంలో ఉంది. ఈ హాట్ పిక్స్ నెట్టింట వైరల్‌గా మారాయి. ఈ గ్లామర్ స్ట్రాటజీ ఆమెకు కొత్త అవకాశాలను తెచ్చిపెడుతుందా? లేక ఈ ప్రయత్నం కూడా వృథా అవుతుందా? రాబోయే రోజుల్లోనే సమాధానం తెలుస్తుంది.
