Nani: నాని నటిస్తున్న లేటెస్ట్ చిత్రం ‘హిట్ 3’ ప్రేక్షకుల్లో ఇప్పటికే సంచలనం సృష్టిస్తోంది. దర్శకుడు శైలేష్ కొలను ఈ పూర్తి కాప్ యాక్షన్ థ్రిల్లర్‌ను తెరకెక్కిస్తుండగా, మే 1న వేసవి కానుకగా గ్రాండ్ రిలీజ్‌కు సిద్ధమవుతోంది. ఈ సినిమా కోసం అభిమానులు ఆసక్తిగా ఎదురుచూస్తున్నారు. అయితే, ‘హిట్ 3’ రిలీజ్‌కు ముందే నాని తన నెక్స్ట్ ప్రాజెక్ట్‌ను అనౌన్స్ చేసి షాక్ ఇచ్చాడు.
శ్రీకాంత్ ఓదెల దర్శకత్వంలో ‘ది ప్యారడైజ్’ సినిమా 2026 మార్చి 26న విడుదల కానుంది. ఈ రెండు సినిమాల మధ్య ఏడాది గ్యాప్ ఉండటంతో నాని అభిమానులకు సర్‌ప్రైజ్ ప్లాన్ చేస్తున్నాడట.సినీ వర్గాల సమాచారం ప్రకారం, ‘హిట్ 3’ షూటింగ్ ముగిసిన వెంటనే ‘ది ప్యారడైజ్’ మొదలుకాకముందు మరో సినిమాను సెట్స్‌పైకి తీసుకెళ్లాలని నాని భావిస్తున్నాడు.
ఈ సినిమాను వేగంగా పూర్తి చేసి రిలీజ్ చేసే ఆలోచనలో ఉన్నాడట. ఈ రెండు బిగ్ ప్రాజెక్ట్స్ మధ్య నాని నిజంగానే మరో చిత్రంతో సందడి చేస్తాడా అనేది ఆసక్తికరంగా మారింది. ఇప్పటికే ‘హిట్ 3’, ‘ది ప్యారడైజ్’లతో హైప్ క్రియేట్ చేసిన నాని మరో సినిమాతో హ్యాట్రిక్ కొడతాడేమో చూడాలి.
