Rashmika Mandanna: సినీ ప్రియులకు శుభవార్త! రష్మిక మందన్నా నటిస్తున్న ‘మైసా’ చిత్రంలో ఇంటర్నేషనల్ స్టంట్ కొరియోగ్రాఫర్ ఆండీ లాంగ్ చేరారు. దీంతో ఈ చిత్రం యాక్షన్ జోనర్‌లో కొత్త ఊపు తెస్తుందని అంచనాలు ఏర్పడ్డాయి.
రష్మిక మందన్నా నటిస్తున్న ‘మైసా’ చిత్రం హై ఓల్టేజ్ యాక్షన్‌తో సిద్ధమవుతోంది. ఈ పాన్-ఇండియా ఎమోషనల్ యాక్షన్ థ్రిల్లర్‌లో రష్మిక గోండ్ సముదాయ మహిళ పాత్రలో కనిపించనుంది. ఈ చిత్రానికి రవీంద్ర పుల్లే దర్శకత్వం వహిస్తుండగా, అంతర్జాతీయ స్టంట్ కొరియోగ్రాఫర్ ఆండీ లాంగ్ యాక్షన్ సన్నివేశాలను రూపొందిస్తున్నారు. ‘కల్కి 2898 ఏడీ’, ‘సనక్’, ‘లైగర్’ వంటి చిత్రాలతో ఆండీ గుర్తింపు పొందారు.
అన్‌ఫార్ములా ఫిల్మ్స్ బ్యానర్‌పై అజయ్, అనిల్ సాయప్పురెడ్డి నిర్మిస్తున్న ఈ చిత్రం రష్మిక కెరీర్‌లో కొత్త మైలురాయిగా నిలవనుంది. రష్మిక ఈ పాత్ర కోసం తీవ్రంగా శ్రమిస్తున్నట్లు తెలుస్తోంది. చిత్రం తెలుగు, తమిళం, హిందీ, మలయాళం, కన్నడ భాషల్లో విడుదల కానుంది. ఈ సినిమా గురించి మరిన్ని అప్‌డేట్స్ కోసం అభిమానులు ఆసక్తిగా ఎదురుచూస్తున్నారు.
