Rajinikanth: సూపర్స్టార్ రజనీకాంత్ ఒకప్పుడు శ్రీదేవిని ప్రేమించారని, ఆమెకు ప్రపోజ్ చేయాలని అనుకున్నారని తెలుసా? కానీ, ఓ అనుకోని సంఘటన ఆ ప్రపోజల్ ని ఆపేసింది. ఆ విషయాన్ని ప్రముఖ దర్శకుడు కె. బాలచందర్ స్వయంగా వెల్లడించారు. ఆ ఆసక్తికర వివరాలు ఇప్పుడు తెలుసుకుందాం.
సినీ చరిత్రలో రజనీకాంత్, శ్రీదేవి జంట ఎన్నో హిట్ సినిమాల్లో నటించి అభిమానులను అలరించింది. కానీ, వీరి ఆఫ్-స్క్రీన్ కెమిస్ట్రీ గురించి ఓ ఆసక్తికర విషయం వెలుగులోకి వచ్చింది. దర్శకుడు కె. బాలచందర్ వెల్లడించిన సంచలన విషయం ప్రకారం, రజనీకాంత్ శ్రీదేవిని ప్రేమించి, ఆమె గృహప్రవేశ వేడుకలో ప్రపోజ్ చేయాలనుకున్నారు. కానీ, అదే సమయంలో విద్యుత్ సరఫరా ఆగిపోయింది. మూఢనమ్మకాలు గట్టిగా నమ్మే రజనీకాంత్ దీన్ని అశుభ సంకేతంగా భావించారు.
ఫలితంగా, ఆ ఆలోచనను పూర్తిగా విరమించుకున్నారు. ఈ సంఘటన గురించి బాలచందర్ తన సన్నిహితులతో పంచుకున్నారు. ఈ విషయం ఇన్నాళ్లూ రహస్యంగా ఉండి, ఇప్పుడు సినీ అభిమానులను ఆశ్చర్యపరుస్తోంది. రజనీ, శ్రీదేవి జంట రియల్ లైఫ్లో కూడా ఒక్కటై ఉంటే ఎలా ఉండేదో అని అభిమానులు ఊహించుకుంటున్నారు.
