టాలీవుడ్‌లో రౌడీ స్టార్ విజయ్ దేవరకొండ కొత్త సినిమా ‘రౌడీ జనార్ధన్’తో సందడి చేయనున్నాడు. ఈ చిత్రంలో సీనియర్ హీరో రాజశేఖర్ విలన్‌గా ఆకట్టుకోనున్నారని టాక్.
విజయ్ దేవరకొండ ఇటీవల ‘కింగ్డమ్’ సినిమాతో బిజీగా ఉంటూ, తన నెక్స్ట్ ప్రాజెక్ట్‌లను లైన్‌లో పెడుతున్నాడు. స్టార్ నిర్మాత దిల్ రాజు బ్యానర్‌లో రవికిరణ్ కోల దర్శకత్వంలో ‘రౌడీ జనార్ధన్’ రూపొందుతోంది.
ఈ కమర్షియల్ ఎంటర్‌టైనర్‌లో యాంగ్రీ స్టార్ రాజశేఖర్ విలన్‌గా కనిపించనున్నారు. గతంలో హీరోగా తనదైన ఇమేజ్ సొంతం చేసుకున్న రాజశేఖర్, ఈ సినిమాతో సెకండ్ ఇన్నింగ్స్‌లో గట్టి కమ్‌బ్యాక్ ఇవ్వనున్నారని అభిమానులు ఆశిస్తున్నారు. ఈ సినిమా విజయ్ యాక్షన్‌తో పాటు రాజశేఖర్ పవర్‌ఫుల్ పెర్ఫార్మెన్స్‌తో ప్రేక్షకులను అలరించనుంది. షూటింగ్ త్వరలో ప్రారంభం కానుంది.
