రాజమౌళి సినిమాలో చైల్డ్ ఆర్టిస్ట్గా మెప్పించిన రవి రాథోడ్ జీవితం కష్టాల్లో పడింది. అనారోగ్యం, ఆర్థిక ఇబ్బందులతో బాధపడుతున్న రవిని లారెన్స్ ఆదుకున్నారు. ఆయన సాయంతో రవి జీవితం మళ్లీ గాడిన పడింది. ఈ హృదయస్పర్శి కథను చూద్దాం.
విక్రమార్కుడు సినిమాలో ‘రేయ్ సత్తి బాల్ ఒచ్చిందా’ అనే డైలాగ్తో అందరి దృష్టిని ఆకర్షించిన చైల్డ్ ఆర్టిస్ట్ రవి రాథోడ్. ఆ సినిమా తర్వాత పలు చిత్రాల్లో నటించినా, చిన్న వయసులోనే తల్లిదండ్రులను కోల్పోవడంతో జీవితం అతలాకుతలమైంది. లారెన్స్ సాయంతో ఓ స్కూల్లో చేరినా, అక్కడి నుంచి పారిపోయి చిన్నపాటి పనులు చేస్తూ మద్యానికి బానిస అయ్యాడు.
కిడ్నీ సమస్యలతో నడవలేని స్థితిలోకి చేరాడు. ఈ విషయం మీడియాలో వైరల్ కావడంతో లారెన్స్ రవిని కలిసి, మద్యం మానమని హెచ్చరించి, ఆర్థిక సాయం చేశారు. లారెన్స్ స్ఫూర్తితో మద్యానికి దూరమైన రవి, ఆయన సహాయంతో ఫోన్ కొనుగోలు చేసి, ఆరోగ్యాన్ని కాపాడుకున్నాడు. లారెన్స్తో దిగిన ఫోటో షేర్ చేస్తూ సోషల్ మీడియాలో కృతజ్ఞతలు తెలిపాడు. లారెన్స్ మానవత్వాన్ని నెటిజన్లు ప్రశంసిస్తున్నారు.
