రామ్ చరణ్ కెరీర్లో మరో భారీ ప్రాజెక్ట్ సెట్స్ పైకి వెళ్లనుంది. సుకుమార్ దర్శకత్వంలో రాబోతున్న ఈ చిత్రం పుష్ప 3 కంటే ముందు మొదలవుతుంది. మైత్రీ మూవీ మేకర్స్ నిర్మాత నవీన్ యెర్నేని ఈ విషయంపై క్లారిటీ ఇచ్చారు. వచ్చే ఏడాది ఏప్రిల్ లేదా మేలో షూటింగ్ ప్రారంభమవుతుంది. దీని గురించి పూర్తి వివరాలు చూద్దాం.
మెగా పవర్ స్టార్ రామ్ చరణ్ వరుసగా భారీ ప్రాజెక్టులతో బిజీగా ఉన్నారు. ప్రస్తుతం బుచ్చిబాబు దర్శకత్వంలో పెద్ది సినిమా షూటింగ్ శరవేగంగా జరుగుతోంది. దీని తర్వాత సుకుమార్తో కలిసి రాబోతున్న ప్రాజెక్ట్ (ఆర్సీ17) గురించి సోషల్ మీడియాలో రకరకాల పుకార్లు వినిపించాయి. పుష్ప 2 తర్వాత సుకుమార్ ముందు పుష్ప 3 చేస్తారని, ఆ తర్వాతే చరణ్ సినిమా అని కొందరు అనుకున్నారు. అయితే మైత్రీ మూవీ మేకర్స్ నిర్మాత నవీన్ యెర్నేని తాజాగా స్పష్టమైన క్లారిటీ ఇచ్చారు.
సుకుమార్ తదుపరి చిత్రం రామ్ చరణ్తోనే మొదలవుతుందని, పుష్ప 3 కంటే ముందే ఈ ప్రాజెక్ట్ ఉంటుందని తెలిపారు. పెద్ది షూటింగ్ పూర్తయిన తర్వాత వచ్చే ఏడాది ఏప్రిల్ లేదా మే నెలలో ఈ మెగా ప్రాజెక్ట్ సెట్స్ పైకి వెళ్తుంది. రంగస్థలం తర్వాత వస్తున్న ఈ క్రేజీ కాంబినేషన్పై అంచనాలు ఆకాశాన్నంటుతున్నాయి. ఈ వార్తతో మెగా ఫ్యాన్స్ ఆనందంలో ఉండగా, అల్లు అర్జున్ అభిమానులు పుష్ప 3 కోసం మరికొంత కాలం వేచి ఉండాల్సి వస్తోంది.
