Pooja Hegde: స్టార్ హీరోయిన్ పూజా హెగ్డే టాలీవుడ్‌లో సంచలన రీ-ఎంట్రీకి సిద్ధమవుతోంది. దుల్కర్ సల్మాన్‌తో కలిసి ఓ కొత్త చిత్రంలో నటించనున్నట్లు సమాచారం. ఈ కాంబో ప్రేక్షకులకు సరికొత్త అనుభూతినిస్తుందని మేకర్స్ భావిస్తున్నారు. త్వరలో పూర్తి వివరాలు వెల్లడి కానున్నాయి.
పూజా హెగ్డే టాలీవుడ్‌లో తిరిగి అడుగుపెట్టేందుకు సిద్ధమవుతోంది. గతంలో అల వైకుంఠపురములో, అరవింద సమేత వంటి హిట్ చిత్రాలతో తెలుగు ప్రేక్షకులను అలరించిన ఈ భామ, బాలీవుడ్, కోలీవుడ్‌లో బిజీగా ఉంది. రజనీకాంత్ నటించిన ‘కూలీ’ చిత్రంలో ‘మోనిక’ సాంగ్‌తో మరోసారి క్రేజ్ సొంతం చేసుకుంది. ఇప్పుడు దుల్కర్ సల్మాన్‌తో ఓ కొత్త ప్రాజెక్ట్‌లో జోడీ కడుతోందని తెలుస్తోంది.
సుధాకర్ చెరుకూరి నిర్మాణంలో, రవి నెలకుడితి దర్శకత్వంలో రూపొందే ఈ చిత్రం రొమాంటిక్ డ్రామాగా తెరకెక్కనుంది. ఈ జోడి తెలుగు ప్రేక్షకులకు ఫ్రెష్‌గా, ఆకర్షణీయంగా కనిపిస్తుందని నిర్మాతలు ఆశిస్తున్నారు. గత ఐదేళ్లలో తెలుగులో పెద్దగా కనిపించని పూజా, ఈ చిత్రంతో మళ్లీ సత్తా చాటేందుకు రెడీ అవుతోంది. అధికారిక ప్రకటన కోసం అభిమానులు ఎదురుచూస్తున్నారు.
