Pawan Kalyan: పవర్ స్టార్ పవన్ కళ్యాణ్, శ్రీలీల జంటగా హరీష్ శంకర్ దర్శకత్వంలో రూపొందుతున్న ఉస్తాద్ భగత్ సింగ్ షూటింగ్ మళ్లీ జోరందుకుంది. మైత్రి మూవీ మేకర్స్ నిర్మిస్తున్న ఈ చిత్రం వచ్చే ఏడాది విడుదలకు సిద్ధమవుతోంది.
పవన్ కళ్యాణ్ హీరోగా, శ్రీలీల కథానాయికగా హరీష్ శంకర్ తెరకెక్కిస్తున్న మాస్ ఎంటర్టైనర్ ఉస్తాద్ భగత్ సింగ్ సెట్స్‌పై సందడి మొదలైంది. పాన్ ఇండియా సినిమాలకు భిన్నంగా రీజనల్ మాస్ ఫ్లేవర్‌తో ఈ చిత్రం రూపొందుతోంది. ఇప్పటికే చిత్రీకరించిన భాగాలు అభిమానుల్లో భారీ అంచనాలు రేకెత్తించాయి. ఇటీవల దర్శకుడు హరీష్ శంకర్ సంచలన అప్డేట్‌ను షేర్ చేశారు.
రాక్‌స్టార్ దేవిశ్రీ ప్రసాద్ సంగీత సారథ్యంలో ట్యూన్స్ సిద్ధమవుతున్నాయని ఇన్‌స్టాగ్రామ్‌లో పోస్ట్ చేశారు. ఈ అప్డేట్‌తో సినిమాపై అంచనాలు మరింత పెరిగాయి. మైత్రి మూవీ మేకర్స్ భారీగా నిర్మిస్తున్న ఈ చిత్రం వచ్చే ఏడాది ప్రేక్షకుల ముందుకు రానుంది. అభిమానులకు పవన్ కళ్యాణ్ మార్క్ మాస్ ఎంటర్టైన్‌మెంట్ గ్యారెంటీ అని చెప్పకనే చెప్పారు హరీష్ శంకర్.
