Khaleja: సూపర్ స్టార్ మహేష్ బాబు, త్రివిక్రమ్ కలయికలో వచ్చిన ‘ఖలేజా’ మళ్లీ థియేటర్లలో సందడి చేయనుంది. రీ-రిలీజ్‌కు ముందే అభిమానుల ఆసక్తి ఆకాశాన్ని తాకుతోంది. బుక్ మై షోలో టికెట్లు రికార్డు స్థాయిలో బుక్ అవుతున్నాయి. మహేష్ మ్యాజిక్ మళ్లీ చూసేందుకు ఫ్యాన్స్ రెడీ అవుతున్నారు.
సూపర్ స్టార్ మహేష్ బాబు నటించిన ‘ఖలేజా’ సినిమా రీ-రిలీజ్‌తో థియేటర్లలో మళ్లీ సందడి చేయనుంది. త్రివిక్రమ్ శ్రీనివాస్ రచన, దర్శకత్వంలో 2010లో విడుదలైన ఈ చిత్రం బాక్సాఫీస్ వద్ద ఆశించిన విజయం సాధించలేదు. అయితే, టీవీ ప్రసారాల ద్వారా అభిమానుల మనసు గెలుచుకుంది. ఇప్పుడు రీ-రిలీజ్‌తో మహేష్ బాబు ఎనర్జిటిక్ నటన, త్రివిక్రమ్ స్ఫూర్తిదాయక డైలాగ్స్ మరోసారి ప్రేక్షకులను ఆకట్టుకోనున్నాయి.
బుక్ మై షోలో గంటకు 15 వేలకు పైగా టికెట్లు బుక్ అవుతూ ఈ సినిమాపై క్రేజ్‌ను చాటుతున్నాయి. అభిమానులు థియేటర్లలో మహేష్ మ్యాజిక్‌ను మళ్లీ ఆస్వాదించేందుకు ఉత్సాహంగా ఉన్నారు. ఈ రీ-రిలీజ్‌తో ‘ఖలేజా’ తన గత వైభవాన్ని తిరిగి సొంతం చేసుకుంటుందని అందరూ ఆశిస్తున్నారు.
