Hyderabad: హైదరాబాద్ జూబ్లీహిల్స్ రోడ్ నెంబర్ 45లో భారీ అగ్ని ప్రమాదం చోటుచేసుకుంది. హార్ట్ కప్ కేఫ్ పబ్లో అగ్ని ప్రమాదం జరగగా సమాచారం అందుకున్న అగ్నిమాపక సిబ్బంది అక్కడికి చేరుకుని మంటలను అదుపు చేసింది. కొన్ని నెలల నుంచి పబ్ మూసేసి ఉంది. కాని పబ్ లో అగ్ని ప్రమాదం ఎలా చోటుచేసుకుందన్న విషయంపై స్పష్టత లేదు. ఘటన పై కేసు నమోదు చేసిన జూబ్లీహిల్స్ పోలీసులు దర్యాప్తు చేస్తున్నారు.
