మాజీ మంత్రి పేర్ని నానికి ఎమ్మెల్యే యార్లగడ్డ వెంకట్రావ్‌ ఓపెన్ ఛాలెంజ్ విసిరారు. వల్లభనేని వంశీపై తప్పుడు కేసులు పెట్టలేదని అన్నారు. తప్పుడు కేసులు పెట్టానని నాని చేసిన వ్యాఖ్యలకు తాను చర్చకు సిద్ధమని అన్నారు. వల్లభనేని వంశీయే కాదు గన్నవరంలో ఏ ఒక్క వైసీపీ కార్యకర్తపై కూడా నేను తప్పుడు కేసులు పెట్టలేదన్నారు.
ప్రజలకు సేవ చేయడం కోసమే నేను రాజకీయాల్లోకి వచ్చానని అన్నారు. నకిలీ పట్టాలు పంచినప్పుడు టీడీపీ ఆఫీస్‌పై దాడి జరిగినప్పుడు నేను ఏ పార్టీలో ఉన్నానో మీకు తెలియదా అని ఆయన ప్రశ్నించారు. వైసీపీలో ఉన్నప్పుడు తాను ఎవరిని వ్యక్తిగతంగా దూషించలేదని అన్నారు.
