Shaji karun: మలయాళ చిత్ర పరిశ్రమలో విషాదం చోటుచేసుకుంది. ప్రముఖ సినిమాటోగ్రఫర్, దర్శకుడు షాజీ కరుణ్ క్యాన్సర్‌తో పోరాడుతూ సోమవారం కన్నుమూశారు. ఆయన మృతి సినీ ప్రపంచాన్ని శోకసంద్రంలో ముంచెత్తింది.
మలయాళ సినిమాకు సినిమాటోగ్రఫర్‌గా కెరీర్‌ను ప్రారంభించిన షాజీ కరుణ్, దర్శకుడిగా తనదైన ముద్ర వేశారు. ‘వానప్రస్థం’ చిత్రంతో మోహన్‌లాల్‌ను దర్శకత్వం చేసి విశేష గుర్తింపు పొందారు. ‘పిరవి’ సినిమాతో జాతీయ అవార్డు సాధించిన ఆయన, ‘స్వాహం’, ‘నిషాద్’, ‘కుట్టి శృంఖు’, ‘స్వప్నం’ వంటి చిత్రాలతో ప్రేక్షకుల మనసు గెలిచారు. 2011లో భారత ప్రభుత్వం ఆయన్ను ‘పద్మశ్రీ’తో సత్కరించింది. గత కొన్నేళ్లుగా క్యాన్సర్‌తో బాధపడుతున్న షాజీ, చికిత్స పొందుతూ తుదిశ్వాస విడిచారు.
ఆయన మృతి పట్ల సినీ ప్రముఖులు, అభిమానులు సంతాపం వ్యక్తం చేస్తున్నారు. మోహన్‌లాల్ సహా పలువురు నటులు సోషల్ మీడియాలో షాజీతో గడిపిన క్షణాలను గుర్తు చేసుకుంటూ నివాళులు అర్పించారు. షాజీ కరుణ్ సినీ రంగానికి చేసిన సేవలు చిరస్థాయిగా నిలిచిపోతాయని అభిమానులు కొనియాడుతున్నారు.
