Mahesh Babu: సూపర్స్టార్ మహేష్ బాబు, దర్శకుడు ఎస్.ఎస్. రాజమౌళితో కలిసి తన కొత్త చిత్రంలో అద్భుతమైన యాక్షన్ సన్నివేశాలతో అభిమానులను ఆశ్చర్యపరచనున్నాడు. ఈ గ్లోబల్ అడ్వెంచర్ చిత్రంలో మహేష్ స్వయంగా స్టంట్స్ చేస్తూ సరికొత్త రూపంలో కనిపించనున్నాడు.
సూపర్ స్టార్ మహేష్ బాబు, ఎస్.ఎస్. రాజమౌళి కాంబినేషన్లో తెరకెక్కుతున్న SSMB29 చిత్రం ఇప్పటికే భారీ అంచనాలను రేకెత్తిస్తోంది. ఈ గ్లోబల్ యాక్షన్ అడ్వెంచర్ చిత్రంలో ఎలాంటి డూప్ లేకుండా మహేష్ స్వయంగా హై-ఓల్టేజ్ స్టంట్స్ చేస్తూ ప్రేక్షకులను ఆకట్టుకోనున్నాడు. 49 ఏళ్ల వయసులో ఇంత డెడికేషన్ అంటే మామూలు విషయం కాదనే చెప్పాలి. రాజమౌళి మార్క్ విజువల్స్, భారీ సెట్స్తో ఈ చిత్రం తెలుగు సినిమా స్థాయిని మరోస్థాయికి తీసుకెళ్లనుంది.
ఒడిశా, హైదరాబాద్లో షూటింగ్ జరుగుతుండగా, విదేశీ లొకేషన్స్లో కూడా కీలక సన్నివేశాలు చిత్రీకరించారు. ప్రియాంక చోప్రా, పృథ్వీరాజ్ సుకుమారన్లతో పాటు ఇంటర్నేషనల్ కాస్ట్ ఈ చిత్రంలో కనిపించనుంది. రాజమౌళి గత చిత్రాల్లాగే ఈ సినిమా కూడా యాక్షన్, డ్రామా, మైథాలజీ మేళవింపుతో ప్రపంచవ్యాప్తంగా ఆకర్షించనుంది. 2027లో విడుదల కానున్న ఈ చిత్రం మహేష్ కెరీర్లో మరో మైలురాయిగా నిలవనుంది.
