Kuberaa: ధనుష్, నాగార్జున, రష్మిక మందన్న నటించిన ‘కుబేర’ చిత్రం యూఎస్ మార్కెట్‌లో సంచలనం సృష్టిస్తోంది. శేఖర్ కమ్ముల దర్శకత్వంలో రూపొందిన ఈ ఎమోషనల్ థ్రిల్లర్ బ్రేక్‌ఇవెన్ సాధించి, లాభాల దిశగా దూసుకెళ్తోంది.
శేఖర్ కమ్ముల దర్శకత్వంలో ధనుష్, నాగార్జున, రష్మిక మందన్న కీలక పాత్రల్లో నటించిన ‘కుబేర’ చిత్రం బాక్సాఫీస్ వద్ద సందడి చేస్తోంది. తెలుగు, తమిళ మార్కెట్లలో మంచి టాక్‌తో ఆకట్టుకున్న ఈ సినిమా ఇప్పటికే 100 కోట్లు దాటేసింది. అంతేగాక యూఎస్‌లోనూ ధనుష్ కెరీర్‌లోనే రికార్డు వసూళ్లు సాధిస్తోంది. బ్రేక్‌ఇవెన్ టార్గెట్‌ను అధిగమించి, 2 మిలియన్ డాలర్ల గ్రాస్ సమీపిస్తూ లాభాల బాట పట్టింది.
దేవిశ్రీ ప్రసాద్ సంగీతం, నికేత్ బొమ్మిరెడ్డి సినిమాటోగ్రఫీ, కార్తీక శ్రీనివాస్ ఎడిటింగ్‌తో ఈ చిత్రం ప్రేక్షకులను ఆకర్షిస్తోంది. శ్రీ వెంకటేశ్వర సినిమాస్ ఎల్‌ఎల్‌పీ, అమిగోస్ క్రియేషన్స్ సంయుక్తంగా నిర్మించిన ఈ సినిమా, శేఖర్ కమ్ముల ఖాతాలో మరో బ్లాక్‌బస్టర్‌గా నిలిచింది.
