Kriti Shetty: ఉప్పెన సినిమాతో రాత్రికి రాత్రి స్టార్ అయిన కృతి శెట్టి ఆ చిత్రం షూటింగ్ గురించి మాట్లాడింది. ఒత్తిడి వల్ల జుట్టు రాలడం, చర్మ సమస్యలు వచ్చాయని, ఓ దశలో అంతా వదిలేసి వెళ్లిపోదామనిపించిందని చెప్పింది.
2021లో వచ్చిన ఉప్పెన సినిమాతో ఒక్కసారిగా తెలుగు ప్రేక్షకుల ఫేవరేట్ అయింది కృతి శెట్టి. అయితే ఆ చిత్రం షూటింగ్ అనుభవం ఎంత కష్టమైందో ఇటీవల ఓ ఇంటర్వ్యూలో బయటపెట్టింది. ఉప్పెన షూటింగ్ సమయంలో తనకు ఒత్తిడి భయంకరంగా ఉండేదని, జుట్టు రాలిపోవడం, చర్మ సమస్యలు వచ్చాయని, ఓ దశలో సినిమా అంతా వదిలేసి వెళ్లిపోదామనిపించిందని కృతి చెప్పుకొచ్చింది.
అయినా కష్టపడి పూర్తి చేసి, ఆ సినిమాతో ఇండస్ట్రీలో గుర్తింపు తెచ్చుకుంది. పాన్ ఇండియా లెవెల్లో కూడా గుర్తింపు తెచ్చుకుంది. ఇప్పుడు వరుస సినిమాలతో బిజీగా ఉన్న కృతి ఆ కష్టాలను గుర్తు చేసుకుంటూ ముందుకు సాగుతోంది.
