పవర్ స్టార్ పవన్ కళ్యాణ్ నటిస్తున్న మాస్ ఎంటర్‌టైనర్ ‘ఉస్తాద్ భగత్ సింగ్’ సెట్స్‌లో మెగాస్టార్ చిరంజీవి సందడి చేశారు. ఈ సర్‌ప్రైజ్ విజిట్‌తో సోషల్ మీడియాలో వైరల్‌గా మారిన మెగా బ్రదర్స్ మూమెంట్ అభిమానులకు పండగలా మారింది.
పవన్ కళ్యాణ్ హీరోగా, హరీష్ శంకర్ దర్శకత్వంలో రూపొందుతున్న ‘ఉస్తాద్ భగత్ సింగ్’ షూటింగ్ శరవేగంగా సాగుతోంది. ఈ మాస్ ఎంటర్‌టైనర్‌లో పవన్ స్టైలిష్ లుక్, పవర్‌ఫుల్ డైలాగ్స్ అభిమానులను ఆకట్టుకుంటాయని టాక్. ఈ సినిమా సెట్స్‌లో మెగాస్టార్ చిరంజీవి సర్‌ప్రైజ్ విజిట్ సంచలనంగా మారింది. చిరంజీవి, పవన్‌తో పాటు నిర్మాత రవి శంకర్ కలిసిన ఈ క్షణం సోషల్ మీడియాలో వైరల్‌గా మారింది.
శ్రీలీల హీరోయిన్‌గా నటిస్తుండగా, దేవిశ్రీ ప్రసాద్ సంగీతం సినిమాకి హైలైట్‌గా నిలుస్తోంది. గతంలో ‘గబ్బర్ సింగ్’తో సంచలన విజయం అందించిన ఈ జోడి మళ్లీ మ్యాజిక్ సృష్టించనుందని అభిమానులు ఆశిస్తున్నారు. ఈ చిత్రం త్వరలో ప్రేక్షకుల ముందుకు రానుంది.
