Kajol: బాలీవుడ్ నటి కాజోల్ పెళ్లికి ఎక్స్పైరీ డేట్ ఉండాలని సూచించారు. 26 ఏళ్ల వైవాహిక జీవితం తర్వాత ఆమె ఈ మాటలు చెప్పడం విశేషం. ప్రస్తుతం ఈ కామెంట్స్ నెట్టింటా తెగ వైరల్ అవుతున్నాయి.
బాలీవుడ్ స్టార్ నటి కాజోల్ తాజా వ్యాఖ్యలు సోషల్ మీడియాలో సంచలనం రేపుతున్నాయి. పెళ్లికి ఎక్స్పైరీ డేట్, రెన్యూవల్ ఆప్షన్ ఉండాలని ఆమె అన్నారు. అజయ్ దేవగణ్తో 26 ఏళ్లుగా వైవాహిక జీవితం గడుపుతున్న కాజోల్ ఈ మాటలు చెప్పడం ఆసక్తికరం. ‘టూ మచ్ విత్ కాజోల్ అండ్ ట్వింకిల్’ టాక్ షో తాజా ఎపిసోడ్లో ఇది జరిగింది. విక్కీ కౌశల్, కృతి సనన్ అతిథులుగా పాల్గొన్నారు. వివాహం, సంబంధాలపై చర్చ సాగింది.
ట్వింకిల్ ఖన్నా ప్రశ్నించగా కృతి, విక్కీ, ట్వింకిల్ ‘నో’ అని రెడ్ జోన్లో నిలిచారు. కాజోల్ మాత్రం గ్రీన్ జోన్కు వెళ్లి మద్దతిచ్చారు. ట్వింకిల్ ‘పెళ్లి వాషింగ్ మెషీన్ కాదు’ అని చమత్కరించారు. కాజోల్ గంభీరంగా స్పందించారు. సరైన వ్యక్తిని పెళ్లి చేసుకుంటామని హామీ ఎవరు ఇస్తారని ప్రశ్నించారు. గడువు ఉంటే బాధపడాల్సిన అవసరం లేదని, రెన్యూవల్తో సంబంధానికి కొత్త అర్థం వస్తుందని చెప్పారు. డబ్బుతో ఆనందం కొనలేమని కాజోల్ అనగా ట్వింకిల్, విక్కీ ‘అవును’ అన్నారు.
డబ్బు సంతోషాన్ని అర్థం చేసుకోకుండా చేస్తుందని కాజోల్ వివరించారు. షో చివర్లో ట్వింకిల్ బెస్ట్ ఫ్రెండ్స్ ఎక్స్లతో డేటింగ్ చేయకూడదని అనగా కాజోల్ ‘నోరు మూయ్’ అని సరదాగా మందలించారు. ఈ సంభాషణ వైరల్ అవుతోంది. అమెజాన్ ప్రైమ్ వీడియోలో షో స్ట్రీమింగ్ అవుతోంది. సల్మాన్, ఆమిర్, అక్షయ్లు కూడా త్వరలో పాల్గొననున్నారు. ప్రతి గురువారం కొత్త ఎపిసోడ్ విడుదలవుతుంది.
