Actor Arya: ప్రముఖ నటుడు ఆర్యకు చెందిన నివాసం, వ్యాపార సంస్థలపై ఆదాయపు పన్ను శాఖ ఆకస్మిక తనిఖీలు నిర్వహించింది. చెన్నైలోని పలు ప్రాంతాల్లో జరిగిన ఈ దాడులు పన్ను ఎగవేత ఆరోపణల నేపథ్యంలో జరిగినట్లు తెలుస్తోంది. ఆర్య బృందం ఇంకా స్పందించలేదు.
తమిళ సినీ నటుడు ఆర్యకు సంబంధించిన ఆస్తులపై ఆదాయపు పన్ను శాఖ అధికారులు బుధవారం ఉదయం అనూహ్య తనిఖీలు చేపట్టారు. చెన్నైలోని అన్నా నగర్, వేలచేరిలోని ఆయన వ్యాపార సంస్థలు, పూనమల్లి హై రోడ్‌లోని నివాసంలో సోదాలు జరిగాయి. పన్ను ఎగవేత ఆరోపణలతో ఈ దాడులు నిర్వహించినట్లు సమాచారం.
ఆర్య మాత్రం తన రెస్టారెంట్‌ను గతంలోనే ఒక వ్యాపారవేత్తకు అప్పగించినట్లు వెల్లడించారు. ఆ వ్యాపారవేత్తపై జరుగుతున్న దర్యాప్తు కారణంగానే ఈ తనిఖీలు జరిగాయని స్థానిక వార్తాసంస్థలు పేర్కొన్నాయి. ఆర్య బృందం నుంచి అధికారిక ప్రకటన రావాల్సి ఉంది.
