Lenin: అక్కినేని అఖిల్ కొత్త చిత్రం ‘లెనిన్’ సెట్స్‌పై ఉంది. రాయలసీమ నేపథ్యంలో రూపొందుతున్న ఈ సినిమాపై అంచనాలు ఆకాశాన్నంటుతున్నాయి. శ్రీలీల హీరోయిన్‌గా నటిస్తుండగా, చిత్తూరు యాసలో అఖిల్ మాడ్యులేషన్ ఆకట్టుకుంటుందట. మరిన్ని వివరాలు ఇప్పుడు చూద్దాం.
అక్కినేని వారసుడు అఖిల్ అక్కినేని తాజా చిత్రం ‘లెనిన్’ హడావుడి చేస్తోంది. మురళీ కిషోర్ అబ్బూరి దర్శకత్వంలో రాయలసీమ నేపథ్యంలో రూపొందుతున్న ఈ చిత్రంలో అఖిల్ చిత్తూరు యాసలో కనిపించనున్నాడు. శ్రీలీల హీరోయిన్‌గా ఆకట్టుకోనుంది. ఈ సినిమాలో ఓ స్పెషల్ ఐటమ్ సాంగ్‌ను సింగర్ మంగ్లీ ఆలపించనున్నట్లు సమాచారం.
అఖిల్ పెళ్లి సందర్భంగా సినిమాకు ఒక నెల బ్రేక్ ఇచ్చినా, ఈ పాట షూటింగ్‌ను ఈ గ్యాప్‌లో పూర్తి చేయాలని యూనిట్ భావిస్తోంది. నవంబర్ 14న రిలీజ్ కానున్న ఈ చిత్రంలో అఖిల్-శ్రీలీల జోడీ లవ్ సీన్స్ హైలైట్‌గా నిలవనున్నాయి. అన్నపూర్ణ స్టూడియోస్, సితార ఎంటర్‌టైన్‌మెంట్స్ నిర్మిస్తున్న ఈ భారీ బడ్జెట్ చిత్రంపై అఖిల్ భారీ ఆశలు పెట్టుకున్నాడు. అభిమానులకు ఈ సినిమా ఓ విజయ దీపావళి కాబోతుందా? వేచి చూడాలి.
