భారతదేశం సర్వమతాల సమ్మేళనం. దేశంలో ఎన్ని రకాల మతాల వారూ ఉన్నా అందరూ కలిసి మెలసి ముందుకు సాగుతారు. చాలా దేశాల్లో లాగా తమ దేశంలో మత ఘర్షణలు ఈ మధ్య తక్కువగానే ఉన్నాయి. కానీ ఇప్పుడు మళ్లీ అలాంటివి తెరపైకి వస్తున్నాయి. దానికి ఓ ఉదాహరణే ఓ చిన్న ప్లెక్సీ. చూడడానికి చిన్న ప్లెక్సీలా ఉన్నా ఇప్పుడు అదే దేశం మొత్తాన్ని కుదిపేస్తుంది.
దేశవ్యాప్తంగా వివాదంగా మారింది. కాన్పూర్లో కొంతమంది ముస్లింలు ప్రదర్శించిన బ్యానర్ ఇప్పుడు రెండు మతాల మధ్య చిచ్చుపెడుతోంది. ఐ లవ్ మహ్మద్ అని కొందరు అంటున్నారు. దానీకి ప్రతిగా ఇంకొందరు ఐ లవ్ పింగ్ అంటూ కౌంటర్లు వేస్తున్నారు. ఇంతకీ ఏంటా ఫ్లెక్సీ.? అసలెందుకు మతాలను కించపరుస్తున్నారు.? ఇండియా సెక్యులర్ కంట్రీగా ఉన్న ఈ సమయంలో ఎందుకీ అరాచకం..?
మధ్యప్రదేశ్లోని ఇండోర్ నగరంలోని ప్రముఖ కలెక్టరేట్ స్క్వేర్లో ఐ లవ్ పిగ్ అని రాసి ఉన్న పోస్టర్లు కనిపించడంతో కొత్త వివాదం చెలరేగింది. ఐ లవ్ మొహమ్మద్ వివాదం జరిగిన కొద్ది రోజులకే ఈ పోస్టర్లు కనిపించాయి. ఇది ముస్లిం సమాజంలోని కొన్ని వర్గాల నుంచి ఆగ్రహం, నిరసనలకు దారితీసింది.
వారు ఉద్దేశపూర్వకంగా మతపరమైన భావాలను రెచ్చగొట్టడానికి, మత సామరస్యాన్ని దెబ్బతీసేందుకు ప్రయత్నించారని ఆరోపించారు. ఆ పోస్టర్ను తొలగించినప్పటికీ, అది నగరం అంతటా విస్తృత చర్చకు దారితీసింది. పోస్టర్లు కనిపించిన వెంటనే ఒక జనసమూహం అక్కడికి చేరి బాధ్యులైన వారిపై వెంటనే పోలీసు చర్యలు తీసుకోవాలని డిమాండ్ చేస్తూ నినాదాలు చేశారు.
ఈ పోస్టర్లు తమ విశ్వాసాన్ని అవమానించడానికి ద్వేషాన్ని రెచ్చగొట్టడానికి ఉద్దేశించబడ్డాయని మండిపడ్డారు. పోలీసులు త్వరగా చర్య తీసుకోవాలని లేకుంటే పరిస్థితి అదుపు తప్పుతుందని హెచ్చరించారు. పోలీసు సిబ్బంది సంఘటనా స్థలానికి చేరుకుని, పోస్టర్లను తొలగించి, కీలకమైన కూడళ్ల చుట్టూ భద్రతను కట్టుదిట్టం చేశారు. పోస్టర్లు వేయడానికి బాధ్యులను గుర్తించడానికి వారి ఉద్దేశ్యాన్ని తెలుసుకోవడానికి పోలీసులు దర్యాప్తు ప్రారంభించారు.
కాగా కాన్పూర్లో ప్రారంభమై ఇండోర్లోకి కూడా వ్యాపించిన ఐ లవ్ మొహమ్మద్ వివాదం. సెప్టెంబర్ 4న ఈద్ మిలాదున్ నబీ జులూస్ సందర్భంగా ముస్లింలు ఐ లవ్ మొహమ్మద్ అనే లైట్ బోర్డులు ఏర్పాటు చేశారు. ఇది సైద్ నగర్ ప్రాంతంలో రామ్ నవమి జులూస్ మార్గంలో ఉండటంతో హిందూ సంఘాలు వ్యతిరేకించాయి. ఇదో కొత్త ఆచారంగా అభ్యంతరం వ్యక్తం చేసిన హిందూ సంఘాలు దీని వల్ల మతపరమైన సామరస్యం దెబ్బతింటుందని ఆవేదన వ్యక్తం చేశారు.
ఫలితంగా రెండు సముదాయాల మధ్య వాదనలు జరిగాయి. పోలీసులు జోక్యం చేసుకుని లైట్ బోర్డులను తొలగించారు. అలాగే 15 మందిపై ఎఫ్ఐఆర్ నమోదు చేశారు. సాంప్రదాయ స్థలం మార్చి టెంట్లు, పోస్టర్లు ఏర్పాటు చేసినవారు, మరొక సముదాయ పోస్టర్లను దెబ్బతీసి మతపరమైన శత్రుత్వాన్ని పెంచిన వారిపై ఈ కేసు నమోదైంది. బోర్డులపైనే కాదు సామాజిక సమస్యలు సృష్టించిన చర్యలపై కూడా కేసు నమోదు చేశారు. ఈ వివాదం వేగంగా వ్యాపించింది.
ఇదే విషయంపై ఉన్నావో, బరేల్లీ, కౌశాంబి, లక్నో, మహారాజ్గంజ్లో ర్యాలీలు నడిచాయి. ఉత్తరాఖండ్లోని కాశీపూర్, మహారాష్ట్రలోని నాగ్పూర్, తెలంగాణలోని హైదరాబాద్లో కూడా ప్రదర్శనలు జరిగాయి. హైదరాబాద్లో సెప్టెంబర్ 19న జుమ్మా ప్రార్థన తర్వాత నాంపల్లి పబ్లిక్ గార్డెన్లో ముస్లింలు ఐ లవ్ మొహమ్మద్ ప్లకార్డులతో ర్యాలీ చేశారు. పోలీసులతో ఘర్షణలు జరిగి, కొందరి అరెస్ట్లు కూడా జరిగాయి.
అలాగే గుజరాత్లోని గోధ్రాలో నిరసనల సమయంలో పోలీస్ స్టేషన్పై దాడి చేసినందుకు 17 మంది అరెస్ట్ అయ్యారు. 88 మందిపై కేసులు నమోదయ్యాయి. ముంబై, అగ్రా, అహ్మదాబాద్, పార్భణీ, బుర్హాన్పూర్, ఝార్ఖండ్లో కూడా ప్రదర్శనలు జరిగాయి. సోషల్ మీడియాలో #ILoveMuhammad హ్యాష్ట్యాగ్ ట్రెండింగ్గా మారింది. వేల మంది ప్రొఫైల్ పిక్చర్లు మార్చుకుని, పోస్టులు పెట్టారు.
సోషల్ మీడియాలో సైతం ఐ లవ్ రామ్ వర్సెస్ ఐ లవ్ మొహమ్మద్ చర్చ రచ్చ చేసింది. సమాజ్వాదీ పార్టీ నాయకులు ఐ లవ్ రామ్ లేదా ఐ లవ్ మొహమ్మద్ చెప్పడం తప్పేమీ కాదు అని వాదించారు. బీజేపీ నాయకులు చట్టాన్ని ఉల్లంఘించినవారిపై చర్యలు తప్పనిసరి అని అన్నారు. బరేల్లీలో జామా మస్జిద్ ఇమామ్ ముఫ్తి ఖుర్షీద్ ఆలం ఐ లవ్ మొహమ్మద్ పోస్టర్లను ఇళ్ల ముందు వేలాడ దియ్యమని పిలుపునిచ్చారు. వరల్డ్ సూఫీ ఫోరమ్ చైర్మన్ హజ్రత్ సయ్యద్ మొహమ్మద్ అష్రఫ్ కిషౌచ్వి పోలీస్ చర్యను అసాధారణంగా అభివర్ణించారు. వెంటనే ముఖ్యమంత్రి చర్య తీసుకోవాలని కోరారు. మౌలానా సుఫియాన్ నిజామీ, జమాత్ రజా-ఇ-ముస్తఫా నాయకులు హింసను ఖండించి, శాంతిని కోరారు.
ఆ తర్వాత ఇటీవలే ఆ వివాదం కాస్త చల్లబడింది. ఇప్పుడా ఉద్రిక్తతలను దుర్మార్గులు మళ్ళీ రెచ్చగొట్టడానికి ప్రయత్నిస్తున్నారు. ఇదే విషయమై కమ్యూనిటీ నాయకులు ఆరోపించారు. ఆ వివాదం ఆ సమయంలో హిందూ సమూహాల నుండి నిరసనలకు దారితీసింది. ఇస్లాంలో అపవిత్రంగా పరిగణించబడే పందుల గురించిన ప్రస్తావనలు ఈ అంశాన్ని మరింత సున్నితంగా మార్చడంతో తాజా సంఘటన మరింత తీవ్ర రూపం దాల్చింది.
ఈ కేసులో కఠిన చర్యలకు పోలీస్ కమిషనర్ సంతోష్ కుమార్ సింగ్ ఆదేశాలు జారీ చేశారని క్రైమ్ బ్రాంచ్ అదనపు డీసీపీ రాజేష్ దండోటియా తెలిపారు. నిందితులను కనుగొనడానికి అధికారులు సీసీటీవీ ఫుటేజ్, ఇతర ఆధారాలను పరిశీలిస్తున్నామన్నారు. శాంతిని కాపాడటానికి పరిపాలన అదనపు బలగాలను మోహరించింది. రెచ్చగొట్టే పోస్టర్ల వెనుక ఎవరున్నారో దర్యాప్తు చేస్తోంది.
మరోవైపు ఈ వివాదం కాస్త రాజకీయ మలుపు తిరిగింది. బిజెపి ఎమ్మెల్యే ఉషా ఠాకూర్ భావ ప్రకటనా స్వేచ్ఛ హక్కును సమర్థిస్తూ, రాజ్యాంగం ప్రతి పౌరుడికి భావ ప్రకటనా స్వేచ్ఛను హామీ ఇస్తుంది. ఎవరిని ప్రేమించాలో లేదా దానిని ఎలా వ్యక్తపరచాలో అనేది వ్యక్తిగత విషయం అని అన్నారు. ఆమె వ్యాఖ్య కాంగ్రెస్ నాయకుల నుండి విమర్శలకు దారితీసింది. వారు బిజెపి మత శాంతికి భంగం కలిగించే తీవ్రమైన ప్రయత్నాన్ని తక్కువ చేసిందని ఆరోపించారు.
ఈ పోస్టర్లు భావ ప్రకటనా స్వేచ్ఛ గురించి కాదు అవి విభజనను సృష్టించడం గురించి అని రాకేష్ సింగ్ యాదవ్ అన్నారు. విశ్వహిందూ పరిషత్ నాయకుడు సంతోష్ శర్మ అదే సమయంలో, ఈ గొడవను తక్కువ చేసి, ఇది వ్యక్తిగత నమ్మకానికి సంబంధించిన విషయం.
ఎవరైనా పంది పట్ల ప్రేమను వ్యక్తపరచాలనుకుంటే, అది వారి ఎంపిక దానిలో అభ్యంతరకరమైనది ఏమీ లేదని అన్నారు. పోలీసు యంత్రాంగం వెంటనే ఎఫ్ఐఆర్ నమోదు చేసి దర్యాప్తు చేయాలని ఆయన కోరారు. ఈ సంఘటన వెనుక ఉన్న వారిపై జాతీయ భద్రతా చట్టం కింద చర్యలు తీసుకోవాలని ఆయన ప్రభుత్వాన్ని కోరారు.
ఇండోర్లో ఇంతటి ఉద్రిక్తత చోటు చేసుకోవడం ఇదే మొదటిసారి కాదు. ఏప్రిల్ 2025లో, పహల్గామ్ ఉగ్రవాద దాడి జరిగిన వెంటనే, నగరంలోని ఐకానిక్ 56 డుకాన్ ప్రాంతంలో పందులు.. పాకిస్తాన్ పౌరులకు అనుమతి లేదని రాసి ఉన్న పోస్టర్లు కనిపించాయి. వాటిలో పాకిస్తాన్ ఆర్మీ చీఫ్ పంది పక్కన ఉన్న చిత్రం ఉంది.
పాకిస్తాన్పై భారతదేశం వరుస చర్యల తర్వాత, పొరుగు దేశంపై జాతీయ ఆగ్రహం కూడా పెరిగింది. కాశ్మీర్లోని పాకిస్తాన్ ఉగ్రవాద సంస్థ లష్కరే తోయిబా షాడో గ్రూప్ – ది రెసిస్టెన్స్ ఫోర్స్ – ఈ దాడికి బాధ్యత వహించినప్పటికీ దాని ప్రమేయాన్ని ఖండించింది. పాకిస్తాన్పై ఏదైనా చర్య తీసుకోవడంపై ప్రతిపక్షం కేంద్రానికి మద్దతు ఇచ్చింది. పౌరులు కూడా ప్రభుత్వానికి మద్దతు ఇస్తున్నారు. ఆ ఎపిసోడ్ కూడా నిరసనలకు దారితీసింది కానీ పెద్ద చట్టపరమైన చర్యలు లేకుండానే ముగిసింది.
