Genelia: బాలీవుడ్‌లో సంచలనం సృష్టించిన చిత్రం ‘ఫోర్స్’లో జాన్ అబ్రహాం, జెనీలియా డిసౌజా జంటగా నటించారు. నిషికాంత్ కామత్ దర్శకత్వంలో విపుల్ అమృతలాల్ షా నిర్మించిన ఈ యాక్షన్ థ్రిల్లర్ 2011లో విడుదలై ఘన విజయం సాధించింది. జెనీలియా, జాన్‌ల కెమిస్ట్రీ ప్రేక్షకులను ఆకట్టుకుంది.
నటి జెనీలియా డిసౌజా తాజా ఇంటర్వ్యూలో గతంలోని సంచలన పుకార్లపై స్పందించారు. 2011లో ‘ఫోర్స్’ చిత్రీకరణ సమయంలో జాన్ అబ్రహాంతో తనకు వివాహమైందని వార్తలు వ్యాపించాయి. ఈ పుకార్లను కొందరు ఉద్దేశపూర్వకంగా సృష్టించారని, వాటి వెనుక ఉన్నవారు తనకు తెలుసని జెనీలియా వెల్లడించారు.
అయితే, ఆ వార్తల్లో నిజం లేదని స్పష్టం చేశారు. 2012లో బాలీవుడ్ నటుడు రితేశ్ దేశ్‌ముఖ్‌ను వివాహం చేసుకున్న జెనీలియా, ఆ పుకార్లకు స్వయంగా చెక్ పెట్టారు. ప్రస్తుతం కుటుంబంతో సంతోషంగా గడుపుతూనే, ‘సితారే జమీన్ పర్’ చిత్రంతో నటనలో మళ్లీ సత్తా చాటుతున్నారు.
