Gadadhari Hanuman: విరభ్ స్టూడియో బ్యానర్‌పై రేణుకా ప్రసాద్, బసవరాజ్ హురకడ్లి నిర్మించిన ‘గదాధారి హనుమాన్’ టీజర్ ఆకట్టుకుంది. రవి కిరణ్ హీరోగా, రోహిత్ కొల్లి దర్శకత్వంలో తెలుగు, కన్నడ, హిందీ భాషల్లో రూపొందిన ఈ చిత్రం భక్తితో కూడిన భావోద్వేగ అనుభవాన్ని అందిస్తుంది.
విరభ్ స్టూడియో బ్యానర్‌పై రేణుకా ప్రసాద్, బసవరాజ్ హురకడ్లి నిర్మించిన ‘గదాధారి హనుమాన్’ మైథలాజికల్ జానర్‌లో ఓ భారీ చిత్రం. రవి కిరణ్ హీరోగా, రోహిత్ కొల్లి దర్శకత్వంలో తెలుగు, కన్నడ, హిందీ భాషల్లో రూపొందిన ఈ సినిమా టీజర్‌ను ఇటీవల విడుదల చేశారు.
హనుమాన్ భక్తితో పాటు భావోద్వేగాలను మేళవించిన ఈ చిత్రం అద్భుతమైన విజువల్స్, హనుమాన్ చాలీసా బ్యాక్‌గ్రౌండ్ స్కోర్‌తో ప్రేక్షకులను ఆకట్టుకుంటోంది. టీజర్ లాంచ్‌లో ప్రముఖ నిర్మాత సి. కళ్యాణ్ మాట్లాడుతూ, ‘హనుమాన్’ చిత్రం లాంటి విజయం ఈ సినిమాకి కూడా ఆశిస్తున్నట్లు తెలిపారు. రవి కిరణ్, హర్షిత నటన, జూడా సాండీ సంగీతం, అరుణ్ గౌడ సినిమాటోగ్రఫీ ఈ చిత్రానికి బలం. బెంగళూరు, హంపి, దండేలి వంటి లొకేషన్స్‌లో చిత్రీకరణ జరిగింది.
