క్రికెట్ మక్కాగా పేరొందిన లార్డ్స్ మైదానంలో ఓ ఊహించని అతిథి సందడి చేసింది. ది హండ్రెడ్’ 2025 సీజన్ ప్రారంభ మ్యాచ్కు ఓ నక్క అంతరాయం కలిగించింది. ఆట ఉత్కంఠగా సాగుతున్న సమయంలో మైదానంలోకి వేగంగా దూసుకొచ్చిన నక్కను చూసి ఆటగాళ్లు, వ్యాఖ్యాతలు, ప్రేక్షకులు ఒక్కసారిగా అవాక్కయ్యారు. ఈ సరదా ఘటనకు సంబంధించిన వీడియో ప్రస్తుతం సోషల్ మీడియాలో వైరల్గా మారింది.
లండన్ స్పిరిట్, ఓవల్ ఇన్విన్సిబుల్స్ జట్ల మధ్య టోర్నీ తొలి మ్యాచ్ జరిగింది. లండన్ స్పిరిట్ నిర్దేశించిన 81 పరుగుల స్వల్ప లక్ష్యాన్ని ఓవల్ ఇన్విన్సిబుల్స్ ఛేదిస్తోంది. ఈ క్రమంలో స్పిరిట్ పేసర్ డేనియల్ వోరల్ బౌలింగ్ చేయడానికి సిద్ధమవుతుండగా, ఓ చిన్న నక్క మైదానంలోకి పరుగెత్తుకొచ్చింది. దీంతో ఆటను కొద్దిసేపు నిలిపివేయాల్సి వచ్చింది.
మైదానంలో స్వేచ్ఛగా తిరుగుతున్న నక్కను చూసి స్టేడియంలోని ప్రేక్షకులు కేరింతలు కొడుతూ చప్పట్లతో మారుమోగించారు. కొద్దిసేపటి తర్వాత ఆ నక్క ఎవరికీ హాని చేయకుండా మైదానం వీడి వెళ్లిపోవడంతో అంతా ఊపిరి పీల్చుకున్నారు. అనంతరం మ్యాచ్ యథావిధిగా కొనసాగింది. ఈ ఊహించని సంఘటన మ్యాచ్లోని ఉత్కంఠను పక్కనపెట్టి, అందరికీ ఓ మధురమైన జ్ఞాపకంగా నిలిచిపోయింది.
