Aditi Bhavaraju: ప్రముఖ గాయని అదితి భావరాజు ఇప్పుడు హీరోయిన్‌గా సినీ రంగంలోకి అడుగుపెడుతున్నారు. ‘దండోరా’ చిత్రంతో తెలంగాణ నేపథ్యంలో ఆమె నటనా ప్రతిభను చూపనున్నారు. ఈ సినిమా షూటింగ్ శరవేగంగా సాగుతోంది. టీజర్‌కు ఇప్పటికే అద్భుత స్పందన లభించింది.
సింగర్‌గా అదిరిపోయే క్రేజ్ సంపాదించిన అదితి భావరాజు ఇప్పుడు హీరోయిన్‌గా తెలుగు తెరపై సందడి చేయనున్నారు. లౌక్య ఎంటర్‌టైన్‌మెంట్స్ బ్యానర్‌పై రవీంద్ర బెనర్జీ ముప్పనేని నిర్మిస్తున్న ‘దండోరా’ చిత్రంతో ఆమె సినీ ప్రస్థానం మొదలవుతోంది. మురళీకాంత్ దర్శకత్వంలో తెలంగాణ గ్రామీణ నేపథ్యంలో రూపొందుతున్న ఈ చిత్రం సామాజిక సమస్యలను ఆవిష్కరిస్తుంది.
శివాజీ, నవదీప్, నందు, రవికృష్ణ, మనికా చిక్కాల, మౌనికా రెడ్డి, బిందు మాధవి, రాధ్య తదితరులు కీలక పాత్రల్లో నటిస్తున్నారు. ఇప్పటికే షూటింగ్‌లో కీలక సన్నివేశాలు పూర్తయ్యాయి. టీజర్‌కు ప్రేక్షకుల నుంచి అద్భుత స్పందన లభించింది. మార్క్ కె. రాబిన్ సంగీతం సినిమాకు ప్రత్యేక ఆకర్షణ. త్వరలో మరిన్ని అప్‌డేట్స్‌తో మూవీ టీమ్ ప్రేక్షకుల ముందుకు రానుంది.
