Betting App Case: సినీ నటులు విజయ్ దేవరకొండ, రాణా దగ్గుబాటి సహా పలువురికి ఈడీ సమన్లు జారీ చేసింది. మహదేవ్ బెట్టింగ్ యాప్ కేసులో భారీ ఆర్థిక లావాదేవీలపై దర్యాప్తు జరుగుతోంది. నటుల పాత్ర గురించి ఈడీ తీవ్రంగా విచారిస్తోంది.
మహదేవ్ బెట్టింగ్ యాప్ కేసులో ఈడీ సంచలన చర్యలు చేపట్టింది. దాదాపు రూ. 2,000 కోట్ల ఆర్థిక లావాదేవీలతో ఈ కేసు దేశవ్యాప్తంగా దృష్టి ఆకర్షించింది. విజయ్ దేవరకొండ, రాణా దగ్గుబాటి, ప్రకాష్ రాజ్ సహా 29 మంది సెలబ్రిటీలపై ఈడీ కేసు నమోదు చేసింది. ఈ నటులు అక్రమ బెట్టింగ్ యాప్‌లను ప్రమోట్ చేసినట్లు ఆరోపణలు ఉన్నాయి.
సైబరాబాద్ పోలీసుల ఎఫ్‌ఐఆర్ ఆధారంగా ఈడీ దర్యాప్తు ప్రారంభించింది. రాణా దగ్గుబాటి షూటింగ్ షెడ్యూల్ కారణంగా విచారణకు హాజరు కాకపోవడంతో మరో తేదీ కోసం అభ్యర్థించారు. ప్రకాష్ రాజ్, విజయ్ దేవరకొండలకు కూడా నిర్ణీత తేదీల్లో విచారణకు హాజరు కావాలని ఈడీ ఆదేశించింది. ఈ కేసులో ఆర్థిక లావాదేవీలు, డిజిటల్ ట్రయిల్స్‌ను ఈడీ లోతుగా పరిశీలిస్తోంది.
