Krrish 4: బాలీవుడ్ సూపర్‌స్టార్ హృతిక్ రోషన్ తన డ్రీమ్ ప్రాజెక్ట్ క్రిష్ 4తో మరోసారి అభిమానులను ఆశ్చర్యపరచనున్నాడు. ఈ సూపర్ హీరో డ్రామా కోసం భారీ సన్నాహాలు జరుగుతున్నాయి.
హృతిక్ రోషన్ డ్రీమ్ ప్రాజెక్ట్ క్రిష్ 4 బాలీవుడ్‌లో కొత్త ఒరవడిని సృష్టించనుంది. ఈ చిత్రంలో హృతిక్ తొలిసారిగా దర్శకత్వ బాధ్యతలు చేపడుతూ త్రిపాత్రల్లో నటించనున్నాడు. ప్రియాంక చోప్రా, ప్రీతి జింటా, రేఖ కథానాయికలుగా నటిస్తున్నారు. టైమ్ ట్రావెల్ ఆధారిత కథాంశం ప్రపంచాన్ని కాపాడే మిషన్‌తో ఉత్కంఠభరితంగా ఉంటుందని తెలుస్తోంది.
భారీ సెట్లు, అత్యాధునిక వీఎఫ్ఎక్స్‌తో కథలో ఫ్యామిలీ ఎమోషన్స్, కాన్‌ఫ్లిక్ట్‌లు ఆకట్టుకునేలా ఉంటాయని సమాచారం. YRF స్టూడియోస్‌లో ప్రీ-ప్రొడక్షన్ పనులు శరవేగంగా సాగుతున్నాయి. హృతిక్, రచయితల బృందంతో కలిసి స్క్రిప్ట్‌ను మెరుగుపరుస్తున్నాడు. వీఎఫ్ఎక్స్ బృందం ప్రీ-విజువలైజేషన్‌పై కసరత్తు చేస్తోంది. 2026లో షూటింగ్ ప్రారంభమయ్యే అవకాశం ఉంది.
