అంబేద్కర్ కోనసీమ జిల్లాలో న్యూ ఇయర్ వేడుకలు విషాదంగా మారాయి. పీ.గన్నవరం మండలం ఉడిముడిలో నూతన సంవత్సర వేడుకల్లో రెండు వర్గాల మధ్య చోటుచేసుకున్న ఘర్షణ హింసాత్మకంగా మారి కత్తి, బీర్ బాటిల్స్తో దాడులు చేసుకున్నారు. ఈ ఘటనలో తీవ్రంగా గాయపడిన ఇద్దరు యువకులు ఆస్పత్రిలో చికిత్స పొందుతున్నారు.
ఉడిముడి గ్రామంలోని శివాలయం సమీపంలో ఓ వర్గం యువకులు న్యూ ఇయర్ వేడుకలకు ఏర్పాట్లు చేసుకోగా అక్కడికి వచ్చిన ఇంకో వర్గం యువకులు కవ్వింపు చర్యలకు పాల్పడి వారితో గొడవకు దిగారు. ఈ నేపథ్యంలోనే ఇరు వర్గాలు ఒకరిపై ఒకరు దాడి చేసుకున్నారు. ఆలస్యంగా వెలుగులోకి వచ్చిన ఈ ఘటనలో 14 మందిపై కేసు నమోదు చేసి దర్యాప్తు చేస్తున్నారు పోలీసులు.
