Bhagyashri Borse: రెబెల్ స్టార్ ప్రభాస్ తదుపరి చిత్రం కోసం అభిమానులు ఉత్కంఠతో ఎదురుచూస్తున్నారు. హోంబలే ఫిల్మ్స్ నిర్మాణంలో, దర్శకుడు ప్రశాంత్ వర్మ తెరకెక్కిస్తున్న ఈ సినిమాపై భారీ అంచనాలు నెలకొన్నాయి.
ప్రభాస్ నెక్స్ట్ ప్రాజెక్ట్ టాలీవుడ్‌లో హాట్ టాపిక్‌గా మారింది. తాజా బజ్ ప్రకారం, ఈ చిత్రంలో హీరోయిన్‌గా యంగ్ బ్యూటీ భాగ్యశ్రీ బోర్సేను ఎంపిక చేసేందుకు మేకర్స్ ప్లాన్ చేస్తున్నారట. భాగ్యశ్రీ ఇప్పటికే తన అందం, నటనతో దృష్టి ఆకర్షించిన నటి. ఆమె ప్రభాస్ సరసన నటిస్తే, ఇది ఆమె కెరీర్‌కు గేమ్‌చేంజర్ అవుతుందని టాక్.
ప్రశాంత్ వర్మ ‘హనుమాన్’లాంటి బ్లాక్‌బస్టర్‌తో ఆకట్టుకోవడంతో, ఈ సినిమాపై అంచనాలు ఆకాశాన్ని తాకుతున్నాయి. హోంబలే ఫిల్మ్స్ ఈ చిత్రాన్ని పాన్ ఇండియా స్థాయిలో భారీగా రిలీజ్ చేయనుంది. కాస్టింగ్‌పై అధికారిక ప్రకటన కోసం ఫ్యాన్స్ ఆసక్తిగా ఎదురుచూస్తున్నారు. త్వరలో మరిన్ని అప్‌డేట్స్ రానున్నాయి.
