Arya 3: ఆర్య 3 టైటిల్‌తో దిల్ రాజు మరో సంచలనం సృష్టించేందుకు సిద్ధమవుతున్నారు. సుకుమార్ కథ అందిస్తుండగా, కొత్త దర్శకుడితో ఈ చిత్రం రూపొందనుంది.
తెలుగు సినిమా పరిశ్రమలో ఆర్య సిరీస్ ఓ ఐకానిక్ ఫ్రాంచైజీ. ఈ సిరీస్‌కు మరో అధ్యాయం రాబోతోంది. నిర్మాత దిల్ రాజు శ్రీ వెంకటేశ్వర క్రియేషన్స్ బ్యానర్‌పై ఆర్య 3 టైటిల్‌ను రిజిస్టర్ చేశారు. సుకుమార్ కథ, స్క్రీన్‌ప్లే అందిస్తుండగా, కొత్త దర్శకుడు ఈ ప్రాజెక్ట్‌ను తీసుకునే అవకాశం ఉంది. ఆశిష్ రెడ్డి హీరోగా నటిస్తాడనే ప్రచారాన్ని దిల్ రాజు తోసిపుచ్చారు.
కథ ఖరారైన తర్వాతే హీరో ఎంపిక జరుగుతుందని స్పష్టం చేశారు. ఆర్య సినిమా ప్రేమకథల్లో ట్రెండ్ సెట్టర్‌గా నిలిచినట్లే, ఆర్య 3 కూడా అదే స్థాయిలో మ్యాజిక్ చేయనుందని దిల్ రాజు ధీమా వ్యక్తం చేశారు. సుకుమార్ టీమ్ నుంచి యంగ్ టాలెంట్‌ను ఎంచుకునే ఆలోచనలో ఉన్నారు. మరి ఈ కొత్త దర్శకుడు ఎవరు? హీరో ఎవరవుతారు? అనేది తెలియాలంటే కొద్ది రోజులు ఆగాల్సిందే.
