Kotha Prabhakar Reddy: రేవంత్‌‌రెడ్డికి పాలన చేతకాకపోతే.. మా సలహాలు, సూచనలు తీసుకోవాలి
Kotha Prabhakar Reddy: దుబ్బాక ఎమ్మెల్యే కొత్త ప్రభాకర్ సంచలన వ్యాఖ్యలు చేశారు. సీఎం రేవంత్‌‌రెడ్డికి పాలన చేతకాకపోతే మా సలహాలు, సూచనలు తీసుకోవాలని సూచించారు. లేదంటే సీఎంను మార్చి కొత్త సీఎంను తెచ్చుకోవాలని ఘాటు వ్యాఖ్యలు చేశారు. అధికారంలోకి వచ్చి 18 నెలలు గడుస్తున్నా ఏ ఒక్క హామీ అమలు చేయలేదని మండిపడ్డారు.
కాంగ్రెస్ కు ప్రభుత్వం నడపడం చేతకాకపోతే తమను డైరెక్షన్ అడగాలని లేదా ముఖ్యమంత్రిని మార్చుకోవాలని అన్నారు సిద్దిపేట జిల్లా బి ఆర్ ఎస్ పార్టీ అధ్యక్షులు, దుబ్బాక ఎమ్మెల్యే కొత్త ప్రభాకర్ రెడ్డి.రాష్ట్రంలో ముఖ్యమంత్రి రేవంత్ రెడ్డి ప్రవేశపెడుతున్న అన్ని పథకాలు అట్టర్ ప్లాప్ అవుతున్నాయని ఎద్దేవా చేశారు.
సిద్దిపేట జిల్లా కేంద్రంలోని బి.ఆర్.ఎస్ పార్టీ జిల్లా కార్యాలయంలో జాతీయ జెండాను బిఆర్ఎస్ జిల్లా అధ్యక్షులు, ఎమ్మెల్యే కొత్త ప్రభాకర్ రెడ్డి ఆవిష్కరించారు. యువతకు దగ్గరవుదామని సీఎం రేవంత్ రెడ్డి రాజీవ్ యువ వికాసం పేరుతో కొత్త డ్రామా మొదలు పెట్టడని ఆరోపించారు.రాజీవ్ వికాసం వాయిదా వేయడం అంటే ప్రభుత్వం సరిగ్గా పనిచేయడం లేదని అర్థం అన్నారు.
ప్రభుత్వాన్ని ముఖ్యమంత్రి నడుపుతున్నాడా లేక మంత్రులు నడుపుతున్నారా ఎమ్మెల్యేలు నడుపుతున్నారా అర్థం కాని పరిస్థితి నెలకొందన్నారు. గ్రామాలలో ఇందిరమ్మ ఇండ్లు కాంగ్రెస్ నాయకులకు మాత్రమే మంజూరు చేస్తున్నారని ఆరోపించారు.జిల్లా ప్రజలందరికీ తెలంగాణ రాష్ట్ర అవతరణ దినోత్సవ శుభాకాంక్షలు తెలిపారు.
