Allari Naresh: అల్లరి నరేష్ నటిస్తున్న సుడిగాడు సీక్వెల్పై ఆసక్తికర విషయాలు వెల్లడయ్యాయి. ఈసారి పాన్ ఇండియా సినిమాలపై డబుల్ స్పూఫ్లు ఉంటాయని నరేష్ చెప్పారు. స్క్రిప్ట్ రచన కొనసాగుతోందని తెలిపారు. 2027లో షూటింగ్ ప్రారంభమయ్యే అవకాశం ఉందని పేర్కొన్నారు.
అల్లరి నరేష్ కెరీర్లో బ్లాక్బస్టర్ హిట్గా నిలిచిన సుడిగాడు చిత్రానికి సీక్వెల్ రానుంది. తాజా చిత్రం 12ఏ రైల్వే కాలనీ ప్రమోషన్స్లో భాగంగా నరేష్ ఈ విషయాన్ని వెల్లడించారు. సుడిగాడు-2 ప్రస్తుతం రైటింగ్ దశలో ఉందని తెలిపారు. మొదటి భాగంలో 100 సినిమాలను ప్యారడీ చేశామని, ఈసారి దానికి రెట్టింపు స్పూఫ్లు ఉంటాయని చెప్పారు.
ముఖ్యంగా యానిమల్, పుష్ప 2 వంటి పాన్ ఇండియా స్థాయి చిత్రాలపై ఎక్కువ స్పూఫ్లు ఉంటాయని వివరించారు. స్క్రిప్ట్ ఇంకా పూర్తి కాలేదని, ఇంకా సమయం పడుతుందని నరేష్ పేర్కొన్నారు. 2027లో సుడిగాడు-2 షూటింగ్ ప్రారంభమయ్యే అవకాశం ఉందని తెలిపారు. ఈ సీక్వెల్ కూడా భారీ నవ్వులు పంచుతుందని ఆయన ధీమా వ్యక్తం చేశారు.
